Поучната приказна за двете врапчиња, која треба да ја помните до крајот на животот

Две врапчиња безгрижно си разговарале стоејќи на една врба.

Едното удобно се сместило на врвот од врбата, а другото стоело долу на првите гранки, од каде врбата се разгранувала.

„Баш се прекрасни овие зелени лисја“, рекло врапчето кое стоело горе.

Врапчето кое стоело долу ова го сфатило како провокација, па му рекло:

„Лисјето е бело, освен ако со твојот вид нешто не е во ред!“

„Слеп си ти, јас гледам дека е зелено“, рекло горното врапче.

„Се кладам во перјето од мојот опаш дека е бело, ти си полудел“, вели долното врапче.

Врапчето од горе се изнервирало и се симнало долу да му одржи лекција на пријателот.

Подготвено за двобој се симнало и кога погледнало нагоре кон лисјето се запрепастило.

„Па, одовде навистина изгледа бело“, рекло тоа.

Потоа двете врапчиња се качиле горе и речиси во еден глас рекле:

„Одовде се зелени“.

Заклучокот е: Не суди никому ако барем еден час не си чекорел во неговите чевли.

Извор