5 жестоки хороскопски знаци со кои никогаш не треба да се расправате

Близнаците знаат како ќе се одвива дискусијата и можат да го предвидат секој ваш збор, па имаат смислено злобен одговор за што и да им кажете.

Колку и да не ги сакаме, некогаш расправиите се неизбежни. Во овие мигови, кога и двајцата соговорници се гневни, можат да „паднат“ навистина лоши зборови кои не се забораваат така лесно.

Додека некои хороскопски знаци сакаат само да помине конфликтот и да го остават зад себе, другите се расправаат жестоко и нема да се откажат сè додека не „победат“.

Со овие знаци е практично невозможно да направите компромис и бидете сигурни дека ќе бидете и повредени, и поразени. Затоа, најдобро избегнувајте ги конфликтите со нив.

За кои хороскопски знаци станува збор?

Скорпија

Скорпиите се под влијание на планетата Марс, а за древните Римјани, Марс е богот на војната. Па, нив не им е проблем да ве погодат на најболното место.

Иако Скорпиите вистински се грижат за другите луѓе, особено нивните сакани, ако се повредени или измамени, не се двоумат да ја покажат нивната жестокост.

Потребно е многу за да ги разгневите Скорпиите, но штом ја преминете нивната граница, тие знаат да одат до екстреми.

Близнаци

Кога се расправате со Близнаци, имајте на ум дека тие веќе знаат како ќе се одвива дискусијата и имаат смислено злобен одговор за што и да им кажете.

Близнаците не почнуваат расправија без да се подготват, а дури и ако не се подготвени, секогаш знаат да го кажат она што најмногу ќе ве повреди.

На крај, дури и тие да се виновни, ќе ве натераат да се чувствувате глупаво што воопшто сте ја почнале расправијата.

Овен

Како Скорпиите, и Овните се под влијание на Марс, а ова дефинитивно се забележува кај нив.

Не би сакале да влезете во конфликт со Овен бидејќи овие луѓе неретко не можат да го контролираат нивниот гнев. А, штом ќе ги разгневите, тешко дека ќе успеете да ги смирите со разговор.

Добрите вести се дека на Овните лутината им поминува брзо, но сепак, зборовите што ќе ви ги кажат нема да ви дозволат лесно да го заборавите конфликтот.

Девица

Девиците се личности со кои не треба да почнувате расправии. Тие најверојатно знаат за вас повеќе отколку што мислите, па без двоумење ќе ви ги спомнат нештата што најмногу ве повредуваат.

Девиците можат да бидат сурови со нивните зборови, а притоа да изгледаат мошне смирено, а ова може да биде многу фрустрирачко.

Кога Девиците се сигурни дека се во право, жестоко ќе го бранат својот став и никогаш нема да ви попуштат.

Водолија

Иако Водолиите покажуваат разбирање, можат да бидат навистина тврдоглави за одредени нешта.

Водолиите без проблем ќе ви кажат што мислат, дури и ако тоа ве повреди, и ќе најдат начин да ви докажат зошто тие се во право (дури и да не се).

Слично како Близнаците, и Водолиите знаат точно како ќе се одвива расправијата и ако не направите компромис, веројатно никогаш повеќе нема да слушнете за нив.

Спирова С. | Црнобело