Нумеролошка прогноза за 2019-та година - Година за личен развој, среќа и патување

По прилично бурната 2018-та година во знакот на бројот 2, пред нас е година која носи многу значајно растеретување, како на глобален, така и на личен план.

2019-та година ќе биде одбележана со енергијата на бројот 3, бидејќи кога ќе ги собереме сите цифри (2+0+1+9=12) додека не добиеме едноцифрен број (1+2=3) го добиваме овој број.

Радувајте се, бидејќи влегуваме во период на стабилизација, личен раст, огромна енергија, напредок и добри шанси.

Бројот 3 е поврзан со планетата Јупитер, која владее со знакот на Стрелецот. Ова укажува дека во 2019-та година луѓето ќе имаат повеќе среќа, отколку памет, а на многумина тоа ќе им помогне да дојдат до неочекувано влијателни и моќни луѓе.

Ќе ги има и оние кои конечно ќе си го исполнат сонот да одат во странство, во потрага за среќа и подобар живот.

Годината на тројката ќе изобилува со добри вибрации, смеа, желба за авантура, патувања, учење, но и за помагање на лицата кои имаат потреба од помош.

Важно е во оваа година да бидете умерени во сè, па дури и во позитивната еуфорија која ќе се чувствува насекаде.

Бројот 3 е тесно поврзан и со личниот развој и е знак дека оваа година ќе имате шанса да се поврзете со повеќе истомисленици и мотивациони говорници.

М. Д. | Црнобело