Хороскопски знаци во кои се раѓаат најдобрите баби и дедовци

Кога баба и дедо родени во знакот Риби ќе научат да го користат својот паметен телефон и ќе станат дел од социјалните мрежи, тие ќе ви испраќаат секакви фотографии и ќе бидат оние кои први ќе ви го честитаат роденденот.

Бабите и дедовците се како родители, но без многу правила и казни. Плус, храната секогаш е многу, многу повкусна.

Баба и дедо помалку осудуваат од родителите и секогаш имаат слободно време, што значи повеќе време за игра, за приказни, за време пред телевизор, за шетање, гласна музика…

Според астрологијата, најдобрите баби и дедовци се раѓаат во одредени хороскопски знаци, што секако тоа не значи дека другите не се добри.

Разликата е што бабите и дедовците родени во следниве хороскопски знаци се фантастични на секој можен начин.

За кои хороскопски знаци станува збор?

Рак

Одењето на гости кај баба или дедо родени во хороскопскиот знак Рак, е како мини одмор во светот на Дизни.

Освен тоа, нивниот дом секогаш мириса толку добро, ќе ве поздрават со голема прегратка и постојано ќе ви нудат различно домашно подготвена храна, од домашни пити, колачиња, ручек и што уште не…

Вага

Ако имате среќа да имате баба или дедо родени во хороскопскиот знак Вага, тогаш може да си легнете безбедни, знаејќи дека тие никогаш нема да ве осудуваат.

Можеби ќе ви дадат некој свој совет, но тоа нема да биде на груб или непристоен начин. Никогаш нема да ве лажат и секогаш ќе бидат искрени со нивните мудри изреки.

Може да дојдете кај нив раскажувајќи им за проблемите кои не можете да ги кажете на вашите мајка или татко, зашто ви се супер-таинствени, посебни и доверливи личности.

Риби

Кога баба и дедо родени во знакот Риби ќе научат да го користат својот паметен телефон и ќе станат дел од социјалните мрежи, тие ќе ви испраќаат секакви фотографии и ќе бидат оние кои први ќе ви го честитаат роденденот.

Постојано ќе ви праќаат кратки видеа, интересни текстови и секогаш ќе споделуваат колку се горди на своите внуци.

И покрај фактот што нивните пораки ќе содржат многу емотикони, дефинитивно нема да можете да им се налутите, туку напротив, ќе се чувствувате топло што знаете дека секогаш се тука за вас.

Овен

Бабите и дедовците родени во знакот Овен во вас ќе се гледаат себеси, но во иднина. Да ги видат нивните внуци среќни, здрави и просперитетни, е од особено значење за нив.

Тие ја чувствуваат вашата болка и вашата радост, веројатно подлабоко и од вас.

Се чини дека никогаш не можат да ве засрамат и колку и да стареат, никогаш не се негативни, а вие го почитувате тоа.

Близнаци

Со оглед на тоа што додека ги растеле своите деца, работеле прекувремено за да обезбедат доволно материјални средства, бабите и дедовците родени во знакот Близнаци имаат чувство на вина што не можеле доволно да им подарат љубов на своите деца, па затоа, внуците ги третираат со неизмерна љубов и внимание.

Нетрпеливите дедо и баба Близнаци се благодарни што имаат потомци што може да ги разгалат и од нив секогаш може да очекувате прекрасни подароци и изненадувања.

Скорпија

Ќе бидете изненадени од тоа колку голема љубов може да зрачи од овој инаку „мрачен и мистериозен“ хороскопски знак.

Бабите и дедовците Скорпии ќе бидат ваш личен телохранител и најголем заштитник. Исто како што се однесуваат кон своите деца, тие сакаат и на своите внуци да им ја дадат сета љубов.

Ќе се обидат да ви го дадат најдоброто, а додека растете ќе ве предупредуваат за лошите пријатели или љубовници кои се околу вас.

Знаете дека секогаш ќе ве штитат, само треба да им се обратите.

Стрелец

Како најљубопитен и најавантуристички знак во Зодијакот, вашите баби и дедовци ќе ви бидат доживотен учител и туристички водич.

Посетата кај нив секогаш е како екскурзија каде што ќе научите нешто ново, можеби за растенијата и дивиот свет надвор од нивната куќа или нешто навистина старо уште од нивното време.

Подоцна во животот ќе се присетите дека многу од работите кои сте ги научиле потекнуваат од вашите баба и дедо.

M. Ѓ. | Црнобело