Кинески хороскоп за 2024-та: Што ве очекува во годината на змејот?

Кој ќе доживее духовно будење, а кој ќе се соочи со финансиски проблеми? Кој ќе ги прошири своите хоризонти, а кој ќе треба да се ослободи од некои стари навики?

Според кинескиот хороскоп, 2024 ќе биде година на змејот. Започнува на 9-ти февруари и ќе трае до 28-ми јануари 2025-та.

Во кинескиот хороскоп има 12 знака кои ќе чувствуваат различно влијание во годината на змејот.

Очекувано, годината ќе биде најповолна за знакот змеј.

Во Кина, змејот е почитуван симбол, но неговото владеење се поврзува со бурни моменти. Истовремено, и малку контрадикторно, годината на змејот се смета и за добар приод за напредок и стекнување богатство.

Во минатото се верувало и дека децата родени во годината на змејот се многу среќни и ќе имаат успешен живот.

Па, какво влијание ќе има годината на змејот врз вас, според кинескиот хороскоп?

Стаорец

• Родени во: 1960, 1972, 1984, 1996, 2008, 2020

Годинава ве очекуваат многу промени во животниот стил, навиките, како и на работа и вашата здравствена состојба.

Ова ќе биде најистакнато во првите пет месеци од годината - период кога треба да пробувате нови нешта, да експериментирате и да се охрабрите да промените нешто.

Ќе треба да престанете да живеете заглавени во минатото и да ги проширите вашите видици.

Од јуни ќе биде клучно да се фокусирате на личните врски, особено со партнерот и најблиските членови на семејството. Ќе треба добро да размислите каков однос сакате со овие луѓе, но и колку сте подготвени да направите за нив.

Бивол

• Родени во: 1961, 1973, 1985, 1997, 2009, 2021

Минувате низ бурен период и ова ќе потрае во првите месеци од годината.

Но, не дозволувајте стравот и несигурноста да ве ограничуваат бидејќи ова е и период кога ќе треба да го покажете најдоброто од себе.

Истражете го секој аспект од вашиот живот, а притоа правете и работи што ве предизвикуваат.

Насочете ја енергијата кон нешто што ве исполнува, дури и ако не сте сигурни каков ќе биде исходот.

Од јуни ќе имате можност да размислувате за вашите ставови и верувања. Можно е да промените некои планови или целосно да ја промените вашата насока.

Ова ќе биде и период кога ќе ги обновите знаењето и вештините, но и ќе ги подобрите навиките кои имаат влијание врз вашето здравје.

Тигар

• Родени во: 1962, 1974, 1986, 1998, 2010, 2022

Оваа година ќе ви биде долг период со огромно влијание врз семејството и семејниот дом, особено во првите месеци.

Можно е да почувствувате невообичаена енергија, вклучително и изненадни промени или потреба да се адаптирате на нешто во последниот момент.

Сето ова може да се манифестира како реновирање на домот, па дури и преселба.

Ќе бидете присилени да промените некои навики и ќе биде клучно добро да размислите за вашите цели.

Ситуацијата ќе се промени во втората половина од годината, каде ќе имате можност да истражувате и да направите рамнотежа помеѓу она што го сакате и она што ви треба.

Ќе треба да научите и да ризикувате ако сакате да добиете нешто.

Зајак

• Родени во: 1963, 1975, 1987, 1999, 2011, 2023

Ќе бидете расеани, особено во првите месеци од годината. Но, ако успеете да ги контролирате мислите и поработите на концентрацијата, ќе научите многу нешта и ќе си ја промените перспективата за животот.

Ова ќе биде и период кога ќе откриете нови интереси, ќе запознаете нови луѓе и ќе одите на многу настани.

Главниот фокус во остатокот од годината ќе ви биде семејството, но и домот.

Можеби ќе сакате да се преселите или да го реновирате сегашниот дом, а притоа ќе имате многу повеќе време за семејството.

Годинава ќе заврши едно поглавје од вашиот живот и ќе ве подготви за нешто многу подобро.

Змеј

• Родени во 1964, 1976, 1988, 2000, 2012, 2024

За вас, годината на змејот ќе биде мошне добра, и тоа од секој аспект.

Ќе ги подобрите вашите вештини, а можно е да најдете и извор на поголема заработка. Само, ако сакате да успеете, најверојатно ќе треба да се ослободите од некои застарени верувања, навики и, генерално, работи што не ви се од корист.

Втората половина на годината ќе биде период на учење, патување и искусување нови нешта.

Ќе го подобрите односот со саканите, а ќе се поврзите со нови луѓе преку заедничките интереси.

Ова не е година кога треба да стагнирате, туку максимално искористете ги сите можности што ви се пружат.

Змија

• Родени во 1965, 1977, 1989, 2001, 2013

Првите пет месеци од годината ќе бидат одлични. Животот ќе биде полн со пријатни изненадувања, а вие ќе бидете доволно охрабри да преземате ризици и да си го промените ставот за многу нешта.

На вас останува максимално да го искористите овој поволен период.

Во втората половина од годината добро би било да се фокусирате на кариерата и финансиите. Научете нешто ново, размислете што навистина сакате да правите и направете план за иднината.

Ова е период кога треба да ѝ верувате на интуицијата и да се осмелите понекогаш и да ризикувате.

Продолжува на следната страница...