Во април внимавајте што зборувате – Какво влијание ќе има секој ретрограден Меркур во 2024?

Во 2024 година Меркур ќе биде ретрограден трипати. На што треба особено да обрнете внимание и како да си ја испланирате годината за да ги избегнете негативните влијанија на планетата?

Веќе на сите ни е јасно дека ретроградниот Меркур влијае негативно врз нашите животи, или, пак го користиме како изговор за сите непредвидени и несакани ситуации што ни се случуваат.

Изминатата 2023-та година ја завршивме со негативното влијание на планетата, а во годината што е пред нас Меркур ќе биде ретрограден трипати.

Доколку сте од оние што веруваат дека ретроградниот Меркур може да ви донесе проблеми, забележете ги добро овие датуми во вашите календари за да бидете добро подготвени за тие периоди.

Во април размислете добро пред да кажете нешто

Меркур ќе биде ретрограден во периодот од 1-ви април до 25-ти април и планетата ќе се најде во знакот Овен.

Ова ќе биде период кога под влијание на темпераментниот и импулсивниот прв знак во Зодијакот, ќе мора да бидете внимателни што зборувате и како зборувате со другите.

Очекувано е во овој период да имате голем број недоразбирања и конфликти за неважни работи. Затоа ќе биде неопходно да се потрудите да останете смирени и да размислите двапати (или петпати) пред да кажете нешто.

Во август заминете на одмор, можни се проблеми на работното место

Вториот ретрограден Меркур ќе биде во периодот од 5-ти август до 28-ми август.

Со оглед на тоа што овој пат планетата ќе се најде во знакот Девица, можете да очекувате повеќе проблеми на работното место.

Може да се случи вашите добропознати методи и тактики во работењето да не даваат резултат, а ќе биде неопходно и по двапати (или петпати) да го проверите тоа што сте го сработиле за да избегнете несакани грешки.

Ако сте од оние што веруваат во силното влијание на ретроградниот Меркур, најдобро ќе ви биде овој период да го резервирате за годишен одмор.

Во ноември и декември не патувајте

Третиот ретрограден Меркур ќе биде од 25-ти ноември до 15-ти декември.

Со оглед на тоа што планетата ќе се најде во авантуристичкиот и бунтовен Стрелец, најдобро ќе биде во овој период да избегнувате патувања и ризични авантури.

Може да се соочите со голем број непријатности за време на патувањата.

Често губење на багажот и расипување на превозните средства со кои патувате, се само некои од непријатностите со коишто може да се соочите.

Б. С. Б. | Црнобело