Даниел Кајмакоски го доби својот нов автомобил „Mini“ и доаѓа во Скопје

По написите дека сè уште нема добиено ниту пари ниту автомобил како победник, веднаш почнаа да се менуваат работите и да се остваруваат ветувањата.

Денес во луксузниот салон за автомобили „MINI“, му беше врачен клучот и предаден автомобилот MINI COUPE Cooper SD од страна на Горан Јовановиќ претставник од компанијата Delta Motors.

„Чест ни е што овој автомобил ќе го вози токму талентираниот Даниел Кајмакоски, како прв победник на регионалното музичко шоу „Х-фактор Адриа“ – изјави Јовановиќ.

Сето тоа беше снимено од страна на „Пинк“ телевизија, а Даниел изјави:

„Вредно работиме на мојот нов сингл, веруваме дека ќе го завршиме до 23 мај кога почнува и нашата регионална турнеја, баш од Скопје, каде сите посетители на концертот ќе имаат можност да ја слушнат мојата прва песна. Многу сум возбуден и среќен што од денес ќе возам ваков преубав автомобил, како награда од МБК продукција и Delta Motors.