Направен е првиот антибактериски смартфон во светот кој самиот се дезинфицира

Компанијата Bullitt го направи првиот антибактериски смартфон во светот кој самиот се дезинфицира со помош на сребрени јони. Телефонот ќе биде пуштен во продажба следната година.

Пандемијата навистина нè натера да обрнуваме посебно внимание на бактериите, микробите и дезинфекцијата. Сите ги миеме рацете по стопати на ден, користиме секакви средства за дезинфекција, а мораме и да го дезинфицираме смартфонот после секое излегување од дома. Веројатно од компанијата Bullitt размислувале токму за ова кога го дизајнирале првиот антибактериски смартфон.

Cat S42 e првиот смартфон во светот кој користи технологија што ги отстранува микробите од неговата површина. Направата е дело на компанијата Bullitt и ќе биде достапен за продажба на почетокот од следната година.

Смартфонот го спречува ширењето на бактериите на неговата површина благодарение на сребрените јони, кои се вградени во материјалот од коишто е изработен надворешниот дел од телефонот. Оваа технологија е позната како Biomaster. Сребрените јони ја оштетуваат мембраната на бактериите и го спречуваат нивното размножување, па имаат одлични антибактериски својства.

Од компанијата нагласуваат дека смартфонот можеби не ги неутрализира бактериите и вирусите, вклучувајќи го корона вирусот, но го спречува нивното размножување.

Кога микробите не можат да се размножуваат, нивниот број нема да расте. Според нив, технологијата што ја користи телефонот може да го намали бројот на бактерии за 80% во рок од 15 минути, или за 99,9% во период од 24 часа.

Уште подобро е што овој смартфон е водоотпорен и од компанијата тврдат дека корисниците можат слободно да го чистат со вода и сапун, средства за дезинфекција и слично.

„Оваа направа е одлична за луѓето кои работат во здравствени установи или оние кои мораат да посетат многу места во текот на работниот ден“, изјавуваат од компанијата.

Смартфонот со оваа технологија ќе биде достапен следната година, по цена од околу 250 долари. Од компанијата сакаат да ја вметнат технологијата и во други модели на Cat смартфони, кои имаат подобар перформанс и повеќе опции, како термална камера, па ќе бидат поскапи.

Смартфоните Cat веќе се познати како едни од најиздржливите, а веројатно истото ќе важи и за антибактерискиот модел. Тестирањата покажале дека телфонот не само што е водоотпорен, туку може да издржи далбочина до 1,5 метри, во рок од 35 минути. Смартфнот е отпорен и на прашина, а може да „преживее“ пад од 1,8 метри.

Спирова С. | Црнобело