Од прочистувач на океанот до вертикални градини: 7 иновации кои го менуваат светот околу нас

Светот постојано се менува. Соочени со него треба да сториме сè што е во наша моќ за да си го олесниме секојдневието.

Сите заедно треба да се трудиме да го направиме светот почисто, побезбедно и поубаво место за живот.

Еве некои иновации кои придонесуваат во тоа:

Пат од соларни панели

Не, веќе не зборуваме за соларни кровови, туку за патишта направени од соларни панели.

Покриен со смола на база на силикон, овој пат може да ја издржи тежината на автомобилите. Преку специјална апаратура од него се генерира струја за да светат уличните светилки.

Во моментов ваквите патишта сигурно не се премногу ефикасни, но ова е само почетокот.

Прочистувач на океанот

Овој уред се состои од лебдечка платформа и делови, а е дизајниран за да го чисти пластичното ѓубре во океанот.

Неговиот водечки принцип е пасивноста – наместо да се движи низ океанот и да го лови ѓубрето, тој стои во место,  а ветерот сам му ги носи пластичните отпадоци што циркулираат низ океанот.

Се очекува со овој изум во рок од 5 години да извлече 42% од ѓубрето во океаните каде ќе биде поставен.

Сферични гуми

Презентирани се сферични гуми за автономните возила од иднината на принцип на магнетна левитација, со чија помош каросеријата на автомобилот би лебдела врз нив. Гумите сами ќе се прилагодуваат на патот со помош на разни сензори.

Дизни бионска рака

3Д печатачот е познат изум, но тоа што некои компании го прават е воодушевувачко.

Компанијата Дизни широкоградо обезбеди дозволи на компанијата „Open Bionics“, која произведува простетички раце, за децата да ги користи нивните дизајни.

Безбедносен камион

Оваа идеја звучи толку едноставно што ќе прашате зошто пред тоа некој не ја смислил

Овој систем прикажува видео снимка направена од предниот дел на камионот и ја пренесува на четири екрани на задниот дел, за возачите зад него да знаат што ги очекува.

Безбедносниот камион е одличен за земјите со тесни и фреквентни улици.

Вертикални градини

Тие се и одлична декорација и извор на кислород. Инсталирани однадвор ги ловат штетните гасови и го филтрираат воздухот.

Од внатрешната страна може да бидат користени за растење на некои едноставни растенија и зеленчуци.

Пејсмејкер

Малиот, но многу важен медицински уред го одржува соодветниот пулс на срцето кога процесот не функционира природно.

Најновите модели се многу мали и може да се вметнат преку катетер од ногата наместо со инвазивна хирургија.

С. С. | Црнобело