„И слабите девојки имаат стомаче“ - Инфлуенсерка со фотки ја прикажува реалноста vs. Инстаграм

Детали

сабота, 18 февруари 2023

„Лично јас со години држев диети, се мразев, водев нездрав живот во име на изгледот поради притисокот да изгледам на одреден начин, но ништо од тоа не се исплатеше“, споделува Бри Ленехан од Австралија.

Бри Ленехан е девојка од Австралија која на својот Инстаграм профил постојано се труди да докаже дека тоа што го гледаме на оваа социјална мрежа не е реално, односно дека и слабите девојки имаат и опуштено стомаче и некои мали „несовршености“ на телото, но со начинот на позирање се прикажуваат во совршено издание.

Нејзината исповед:

„Онлајн светот е полн со илузии, каде внимателно дизајнираме како ќе се прикажеме. Како ќе ги прикажеме нашите тела, кариера, среќа, кожа и целите наши животи. Креираме совршена слика...

Лесно е да креираме нешто лажно, додека секојдневно ги криеме сите работи на нас кои нè научиле да ги мразиме.

Лично јас со години држев диети, се мразев, водев нездрав живот во име на изгледот поради притисокот да изгледам на одреден начин, но ништо од тоа не се исплатеше.

И кога научив да креирам побалансиран и здрав животен стил и навики, сфатив дека и некој кој води здрав и „фит“ животен стил, може да има опуштено стомаче, меки нозе и раце, стрии, проблеми со кожата и што уште не.

Среќна сум што успеав да сфатам дека овие работи не морам да ги поправам, туку треба да ги прифатам затоа што се дел од човековото тело, а сите тела се различни. Најважно е да имаме енергија и да научиме да го почитуваме своето тело. Исто така, да престанеме да веруваме во лажната Инстаграм слика.“

Фото-споредби Инстаграм vs. Реалност кои ги објавува Бри:

С. С. | Црнобело