Ќе ви звучи иронично, но: Шведска увезува ѓубре затоа што им снемува

Детали

четврток, 11 март 2021

На нас, со сигурност ни звучи иронично. Но, во последниве години, Шведска се соочува со проблем кој реално го нема ниту една друга држава. Им снемува ѓубре!

фото: pexels.com

Звучи бизарно, но кога го преработувате ѓубрето и рециклирате постојано, останувате без материјал – односно, почнувате да увезувате ѓубре.

Каде оди шведското ѓубре? На пример, се преработува и претвора во енергија, а Швеѓаните го користат како замена за фосилно гориво при греење.

Чудно е, навистина, како успеале да ја креираат оваа свест кај народот. И да, изгледа нереално. Но, каде што има волја, има и начин.

фото: sweden.se

Жителите на Шведска поминуваат многу време во природа, па лесно ја прифатија идејата и начинот на кој ќе може да ја сочуваат истата.

Шведските домаќинства рециклираат дури 99% од ѓубрето. Од 21% во 2001 година, стигнаа до оваа неверојатна бројка како дел на „револуција во рециклирањето“ во целата земја.

фото: Фејсбук

Така, Швеѓаните станаа увозници на ѓубре кое најчесто стигнува од Норвешка.

И Германија и Холандија се увозници на ѓубре, но лидер е сепак оваа скандинавска земја.

Ова ни изгледа навистина далечно и нереално во блиска иднина да се случи во Македонија, нели? 

Е. П. | Црнобело