Како изгледа 6-метарската елка на кралицата Елизабета украсена со 7.000 сијалички и кралски декорации? (фото)

Детали

понеделник, 03 декември 2018

Официјално, празничната сезона започна и во кралското семејство, а елката на кралицата Елизабета во Виндзор замокот е накитена.

Холот на Виндзор замокот како и секоја година, и сега повторно го краси 6-метарска елка, на која светкаат 7.000 сијалички.

Покрај со сијалички, елката е декорирана со прекрасни златни украси, меѓу кои и многу кралски елементи во форма на круна.

За декорирањето бил потребен ден и половина и персонал кој со помош на високи скали ја накитил елката за празничната атмосфера во замокот да започне.

Уште една елка е поставена во Crimson Drawing собата која кралицата Елизабета ја користи за приватни настани, а елката е декорирана со црвени и виолетови лампиони кои се во склад со боите на просторијата.

Иако кралицата не поминува многу време во овој замок за празниците, туку е на празничен одмор во Сандрингем со принцот Филип и други блиски членови на семејството, сепак традиционално, секоја година имаме увид во празничната атмосфера во Виндзор.

• 
• 
• 
• 
• 
• 
• 
• 
• 
• 
• 
•  

М. М. | Црнобело