Возење по папучи - 50 евра: Колку чинат казните во Грција?

Детали

среда, 25 јули 2018

Кога тргнувате кон Грција со автомобил вреди да ги знаете сите можни прекршоци и сообраќајни закони, бидејќи казните може да ве чинат колку цел одмор.

Со оглед на тоа што неодамна казните во Грција се зголемија и контролата на безбедност стана поригорозна, бидете внимателни.

Почитувајте ја забраната за разговарање на мобилен, секогаш имајте противпожарен апарат и секако – проверувајте ја брзината.

Доколку изнајмувате автомобил или мотор, доколку немате соодветна опрема, изговорот „не знаев, турист сум“ нема да ве спаси.

Подетално, колку може да ве чинат прекршоците во Грција?

Паркирање на недозволено место – 40 до 80 евра + одземање на дозволата на 10 дена + одземање на табличките на 20 дена

Паркирање на место означено за лица со посебни потреби - 150 евра + одземање на дозволата на 10 дена + одземање на табличките на 10 дена

Пречекорување на брзината - од 40, па до 750 евра + одземање на дозволата до 60 дена доколку имате пречекорено над 30km/h од дозволената брзина

Незаврзан појас на возач - 350 евра + одземање на дозволата на 10 дена

Незаврзан појас на совозач - 350 евра

Непочитување на пешаците – 200 евра

Возење под дејство на алкохол:

Од 0,5 до 0,8 промили – 200 евра

Од 0,8 до 1,1 промили – 700 евра + одземање на дозволата до 90 дена

Преку 1,1 промили – 1.200 евра + одземање на дозволата до 180 дена

Користење на мобилен телефон додека возите – 100 евра

Возење по папучи – 50 евра

Поминување на црвено светло - 700 евра + одземање на дозволата на 20 дена + одземање на табличките на 20 дена

Игнорирање на СТОП знак - 700 евра + одземање на дозволата на 20 дена + одземање на табличките на 20 дена

Доколку во автомобилот имате уред за блокирање на радарите - 2.000 евра + одземање на дозволата на 30 дена + одземање на табличките на 60 дена

М. Д. | Црнобело