Случајно родила дете

Детали

петок, 25 декември 2009

Џоди Палмер (38) од Мебурн се откажала од деца по 20 години мака да забремени. Пред некоја ноќ, ја разбудиле болки во стомакот. Три часа подоцна со помош на...

 

...партнерот Тим Мартин родила син. Таа не ни сонувала дека можеби е бремена.

“Се разбудив околу 5 часот наутро. Му кажав на Тим дека ми е лошо за да повика брза помош. Одеднаш почувствував како да губам дел од мене.“ Немајќи време да дочекаат доктор, Тим со помош на операторот од итната помош ја породил Џоди.

Таа родила здраво машко дете.
“Немав многу време да размислувам, но девојката на телефон беше сјајна и навистина ми ги даде вистинските упатства“. Бебето се родило со само 1.11 килограми и веднаш било пренесено на интензивна нега каде ќе треба да остане неколку месеци.

“Сè уште не ни се верува. Јас знаев дека сум неплодна. Одев и на психијатар за полесно да го поднесам тоа. Факт е дека никогаш  не треба да се губи надеж“ – вели Џоди.