Џејсон Стејтам и Роузи Хантингтон-Вајтли ќе станат родители по вторпат – чекаат децата да пораснат за да прават свадба

Детали

петок, 20 август 2021

34-годишната Роузи и 54-годишниот Џејсон ќе станат родители по вторпат, а моделот ги сподели вестите со Инстаграм објава. Иако се верени неколку години, парот вели дека најверојатно ќе почекаат децата да пораснат пред да направат свадба.

Роузи Хантингтон-Вајтли и Џејсон Стејтам го очекуваат второто дете, а моделот ги сподели вестите со неколку Инстаграм фотки.

На својот Инстаграм профил, 34-годишната Роузи сподели фотки со неколку различни модни комбинации, со опис: „Та да! Втора рунда“.

Како и секогаш, моделот изгледа беспрекорно со ситe комбинации, а на една од фотографиите се забележува и нејзиното трудничко стомаче.

На фотката Роузи носи бел фустан со долги ракави и со едната рака го држи стомакот.

Роузи и Џејсон се заедно од 2010 година, а се верија во 2016-та. Тие имаат едно дете, 4-годишниот син Џек. Парот го доби детето околу година откако се верија, но велат дека не им се брза за венчавка. Моделот изјави дека засега, бракот не им е приоритет.

„Се радуваме за тој миг во иднина. Но исто така, сега не ни е приоритет, многу сме среќни. Мислам дека ќе биде забавно да се венчаме кога детето ќе порасне и ќе може да биде дел од свадбата“, откри Роузи во 2018-та.

Таа сподели дека со Џејсон разговарале за венчавка, но премногу се фокусирани на работата, како и нивното дете, па засега ќе почекаат.

Роузи уште минатата година откри дека таа и Џејсон дефинитивно ќе имаат уште деца, но и дека Џејсон е одличен татко. Моделот честопати изјавува и дека 20-годишната возрасна разлика меѓу нив никогаш не им била проблем. Роузи неретко се шегува и за тоа што таа е повисока од Џејсон со штикли.

„Џејсон е неверојатен татко. Тој е партнер кој ме поддржува и заштитува и е многу смешен. Кога сум во штикли дефинитивно сум повисока од него… но поминаа 11 години и сигурна сум дека сега му годи“.

Спирова С. | Црнобело