Во 2008 победи на Евровизија, а по борбата со ковид го смени имиџот – Како изгледа Дима Билан денес?
- Детали
- недела, 23 мај 2021
Во родната Русија Дима Билан е еден од најпрепознатливите и најпопуларните пејачи. Благодарение на триумфот од Евровизија во 2008 година, Билан стана популарен и кај светската публика.
Тој на сцената на Евровизија за првпат се појави во 2006 година, кога заврши на второто место, а само две години подоцна триумфираше.
На Евровизија во 2006 година со песната „Never let you go“ ги освои срцата на гледачите ширум цела Европа и на Русија ѝ го донесе второто место. Тогаш победата му избега за малку, победата ја однесоа дома рокерите „Лорди“ од Финска, но затоа во 2008 година на евровизискиот натпревар во Белград успеа да триумфира.
Дима ја оправда довербата на Русите, кои го испратија по вторпат, и победи со песната „Believe“. Во 2019 година, руските медиуми пишуваа дека не се исклучува можноста Билан да си ја проба среќата на евровизиската сцена и по третпат.
Денес пејачот има 40 години и сè уште се занимава со музика. Зад себе има низа хитови, а многумина го споредуваат со Енрике Иглесијас.
Ако го следите на социјалните мрежи, ќе забележите дека пејачот доста се променил во однос на изгледот во последните години.
Во јануари годинава откако го прележа корона вирусот тој реши дополнително да експериментира со сопствениот имиџ.
Како што пишуваат руските медиуми, Дима мошне тешко се справил со болеста, а вирусот влијаел и на неговата физичка состојба но и на него целокупно. Затоа по справувањето со болеста прво одлучил косата да ја обои розова, а потоа сина.
Тој заминал на одмор на Малдивите со сина коса, но не се чувствувал удобно, па ја затемнил, за потоа од одморот да објави фотографии на Инстаграм на кои косата е скратена на „нула“.
На последните објави на Инстаграм и на другите социјални мрежи, Дима Билан е со кратка бланширана коса.
Тој постојано е дел од руските музички талент шоуа, како член на жирито, а последно беше дел од пилот проектот #tiktoctalant на fridaytv.
Дима влезе и во актерските води и е дел од многу руски филмови и серии.
Кога станува збор за романтичните врски Билан беше поврзуван со Анастазија Петрова, учесничка во тамошното реално шоу „Пацанки“.
Иако имаше поголем број видеа и фотографии од нив двајца на социјалните мрежи, сепак нема официјална потврда дека тие двајца се во врска.
Б. С. Б. | Црнобело
Би можело да ве интересира:
Препорачуваме
Најчитани неделава
