Принцот Вилијам и Кејт прославија 10 години брак со романтични портрети + љубовни драми и забави додека беа во врска, низ фотки
- Детали
- четврток, 29 април 2021
Кејт и Вилијам денес (29 април) слават 10 години брак, а по тој повод објавија нови портрети на кои изгледаат среќно и заљубено. Но, како и сите други, така и тие мораа да поминат низ препреки и разни предизвици во врската, особено ако се земе предвид дека тие се двојка што е постојано во центарот на вниманието.
Кејт и Вилијам успеаја да ги надминат сите препреки и денес се моќен, кралски пар, а по повод 10-годишнината од бракот, на официјалниот профил на Кензингтонската палата беа објавени нови фотки од нив, направени оваа недела.
Јавноста е навикната да ги гледа заедно годинини наназад, а малкумина се сеќаваат дека имаше и период кога тие ја прекинаа врската и не се гледаа, па во продолжение накратко ве потсетуваме на нивната љубовна приказна.
Кејт и Вилијам првпат се запознаа пред две децении, во 2001 година, додека студираа на University of St. Andrews во Шкотска.
Според медиумите, тие заедно престојувале во студенсткиот дом St Salvator's Hall, брзо станале пријатели, но нивната врска започнува дури во 2003 година.
Фотографиите од периодот кога беа само пар прикажуваат бурен ноќен живот, љубовни драми, посета на спортски настани, концерти и свадби на пријателите.
Кејт, исто така, е присутна и на фотографиите од некои од најважните мигови во животот на Вилијам, како на пример неговото дипломирање во 2006 година.
Сепак, нивната врска не беше бајка. Извесен период Кејт и Вилијам беа разделени, откако раскинаа во 2007 година, пред повторно да ѝ дадат шанса на врската. Во периодот кога се случи тоа, кралското семејство не сакаше да коментира, туку само изјави дека тоа е приватен живот на Вилијам.
Наводно, една од причините за раскинувањето е настан од крајот на 2006 година, кога семејството на Кејт го поканило Вилијам да ја прослави новогодишната ноќ со нив.
Родителите на Кејт резервирале вила во едно снежно село во Шкотска. Вилијам се согласил да дојде, но потоа се премислил и не се појавил.
По новогодишната ноќ, Вилијам се посветил на своите воени обврски и парот не бил во можност да се гледа. Покрај тоа, принцот не бил сигурен што сака од врската со Кејт, а дури и се консултирал со кралицата, која, пак, наводно го советувала да не брза со одлуката.
Додека за него осамнувале наслови од вечерни излегувања, па и флерт со жени во Лондон, Кејт била под константен притисок и надзор од медиумите.
Сите овие причини довеле до крајот на нивната врска во 2007 година. Но, тие повторно почнуваат да се гледаат подоцна истата година и повторното стапување во врска го прославија со одмор на Сејшелите. Тому овде тие ја зацврстуваат врската и почнуваат да зборуват за нивната заедничка иднина.
Вилијам ја запроси Кејт со вереничкиот прстен од неговата мајка Дијана, додека беа на одмор во Кенија во октомври 2010 година.
Како што веќе напоменавме, раскошната свадба се случи во април 2011 година, а нивното прво дете, синот Џорџ, го добија во јули 2013-та. Останатото е историја.
Сепак, сега кога веќе се во брак цели 10 години и кога веќе сме навикнати да ги гледаме во формално издание, интересно е да се навратиме назад и да видиме како го поминувале времето пред да бидат во центарот на вниманието.
Во продолжение погледнете ги и фотографиите од времето кога Кејт и Вилијам беа млади и безгрижни:
Уште 10 фотки на следната страна...
Би можело да ве интересира:
Препорачуваме
Најчитани неделава
