„Ми беше страв дека ќе умрам на 27 години“ – Мајли Сајрус отворено зборува за проблемите со алкохолот и како се справува со нив

Детали

четврток, 26 ноември 2020

Во неодамнешно интервју Мајли Сајрус се отвори за проблемите со алкохолот, изјавувајќи дека повторно престанала да пие, најмногу бидејќи ѝ било страв дека ќе умре на 27 години, бројката на години која беше кобна за многу нејзини колеги како Ејми Вајнхаус, Џенис Џоплин, Курт Кобејн, Џим Морисон.

28-годишната пејачка сподели дека иако за време на пандемијата повторно изгубила контрола, веќе две недели се нема напиено ни капка алкохол.

Мајли изјави дека не сака да зборува за тоа што повторно почнала да пие годинава, но дека се чувствува најдобро кога е потполно трезна. Таа вели дека не ѝ е тешко да се држи понастрана од алкохол, но штом ќе се напие една чашка, губи контрола.

„Немам проблем со пиењето. Мене ми се проблем одлуките што ги носам штом ќе испијам повеќе“.

Наводно, кога била потполно трезна, Мајли била дисциплинирана личност и не ѝ е проблем да не пие воопшто.

Во јуни годинава, откако ѝ беше направена операција на гласните жици, Мајли сподели дека не пие алкохол цели шест месеци:

„Трезна сум последниве шест месеци. На почетокот, причината беше операцијата на гласните жици“.

Сепак, со текот на времето почнала да размислува од каде потекнува нејзината нездрава врска со алкохолот. Пејачката сфатила дека проблемите во нејзиното семејство имале голем удел во ова - нејзините родители се разведени и татко ѝ сам се грижел за неа, а во меѓувреме самиот имал проблеми со зависност.

„Се запрашав ’Зошто се однесувам вака?‘ Кога го разбираме нашето минато, подобро ќе ги разбереме и сегашноста и иднината. Исто така, мислам дека и терапијата е одлично нешто“.

Сепак, последниве 2-3 месеци Мајли повторно пиела повеќе, но почнала да се плаши дека ќе му се придружи на таканаречениот „Клуб 27“, кој се однесува на група музичари кои починаа пред да наполнат 28 години, вклучувајќи ги Ејми Вајнхаус, Џенис Џоплин, Курт Кобејн, Џим Морисон...

Мајли, која наполни 28 години на 23 ноември, изјави:

„Оваа година навистина сакав да се заштитам себеси. Токму ова ме натера да престанам да пијам бидејќи изгубивме многу музички икони на 27-годишна возарст. Ова е период полн со пресврти“.

Спирова С. | Црнобело