„Чувствувам притисок дека треба да живеам 107 години“ – Камерон Диаз открива како е да се стане мајка на 47 години

Детали

петок, 06 ноември 2020

Камерон Диаз за првпат стана мајка во јануари годинава, на 47-годишна возраст, а сега сподели дел од нејзиното искуство.

Жените повеќе не чувствуваат толку голем притисок да станат мајки, па сè почесто гледаме жени кои одлучуваат да забременат после 30-тата година.

Истовремено, многу жени одлучуваат првпат да станат мајки и после 40-тата. Една од нив е Камерон Диаз.

Познатата актерка има 48 години, а првпат стана мајка во јануари, кога имаше 47, па неодамна го сподели нејзиното искуство.

„Многу луѓе го прават обратното … стапуваат во брак и имаат семејство во младоста. Јас го правам ова во втората половина од мојот живот“.

Актерката додава и дека сега се чувствува посреќно од кога било, а сопругот Бенџи и ќеркичката се најубавото нешто што ѝ се случува во животот.

Да се стане родител на 47 години за некои можеби изгледа необично – кога Камерон ќе биде во 50-тите и 60-тите, ќе треба да се грижи за мало дете, а и самата таа чувствува притисок околу тоа, но се гордее со својот избор.

„Единствениот притисок што го чувствувам сега е дека треба да живеам 107 години. Нема притисок, воопшто! 

Формирањето семејство кога сте млади … исто е како да правите што било додека сте млади. Едноставно, го правите. Но, кога сте на моја возраст, одлучувате да го направите, тоа е вистински избор. Мора да работите напорно за тоа“.

Моментално Камерон се фокусира на нејзиниот бренд вино и се грижи за ќерката, а смета дека сега треба да го прави токму тоа. Истовремено, веројатно нема да ја продолжи актерската кариера.

„Немам снимено филм уште од 2014-та. Помина многу време, поминаа шест или седум години откако снимив филм. И, тоа воопшто не ми пречи“.

Иако ова станува поретко, многу жени уште чувствуваат некаков притисок да станат мајки додека се помлади. Камерон е одличен доказ дека нема потреба да брзате ако не се чувствувате подготвено. Мајчинството е лична одлука, но сепак имајте на ум дека и здравствената состојба игра голема улога во тоа, па правете редовни контроли и дискутирајте со стручно лице за ова.

Спирова С. | Црнобело