Кој го наследи богатството на Хит Леџер?

Детали

недела, 10 мај 2020

Во 2008-ма година, светот се збогува со еден од најдобрите холивудски актери – Хит Леџер. Актерот почина на 28-годишна возраст, наводно од предозирање со лекови.

Поминаа 12 години од неговата смрт, а Леџер зад себе остави огромно богатство – и културно, и материјално.

Но, кој ги наследи неговите пари?

Хит Леџер има само едно дете, ќерката Матилда, која имаше 2 години на денот на неговата смрт.

Кратко по трагичниот настан, почнаа шпекулации дека мајката на Матилда, и поранешна девојка на актерот, ќе бара дел од неговите пари. Но, тоа никогаш не се случи.

Имено, таткото на Хит изјави дека семејството без двоумење ѝ дало сè на Матилда. Покрај неговата изјава, подоцна се откри дека во 2003-та, две години пред раѓањето на Матилда, актерот направил и тестамент. Според документот, сè што поседувал, ќе било наследено од неговите родители и сестри.

По смртта на актерот, Матилда наследи 16,3 милиони долари. Сепак, не одело сè по план.

Поранешниот адвокат на Хит ја судел осигурителната компанија која не сакала да исплати 10 милиони долари животно осигурување на малата Матилда. Најверојатно, причината биле шпекулациите дека актерот сам си го одзел животот. Тогаш адвокатот изјави:

„Има мало девојче чиј татко почина и кое треба да ги наследи неговите пари, а компанијата прави сè за да го избегне плаќањето. Нема ниту еден доказ дека причина за смртта е самоубиство“.

Во 2009-та јавноста дозна дека адвокатот и компанијата направиле компромис и го решиле проблемот.

Денес Матилда има 14 години и изгледа дека има нормален тинејџерски живот во Њујорк. Таа ќе стане и голема сестра, бидејќи нејзината мајка, Мишел Вилијамс, е бремена со второто дете, овојпат од режисерот Томас Каил.

Мишел е позната по нејзината приватност, па веројатно тоа е причината што слушаме многу малку за Матилда овие денови. Сепак, таа изјави дека на ќерка си секогаш ќе ѝ го кажува истото:

„Татко ти ме сакаше пред кој било да помисли дека сум талентирана, убава или дека имам убава облека“.

Спирова С. | Црнобело