Серена Вилијамс по патики на Мет Гала - Сите ѝ го споредија фустанот со омлет

Детали

вторник, 07 мај 2019

На Мет Гала 2019, Серена Вилијамс изненади со нејзиниот Versace аутфит, но она што го украде вниманието на сите, беа спортските патики под него.

Серена Вилијамс се држеше до темата на годинешната Мет Гала и покажа екстравагантност на црвениот тепих, но сепак успеа и да го задржи спортскиот дух во неа.

На најголемиот моден настан, тенисерката се појави во долг, жолт фустан со розови цветни апликации, кој е креација на Versace, а изгледот го надополни со спортски Nike патики, со што го привлече вниманието на сите.

На овие настани речиси никој не се појавува во патики, но Серена успешно ги искомбинирала елеганцијата, екстравагантноста и спортскиот стил.

Сепак, покрај патиките, она што на твитерџиите им падна во очи беше нејзиниот фустан кој го споредија со омлет и салама, па се пошегуваа на нејзина сметка.

 

Што мислите вие за изгледот на Серена коj и покрај критиките на твитерџиите, многумина ѝ го пофалија?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело