Принцот Чарлс откри неколку потенцијални имиња за бебето на Меган и Хари

Детали

вторник, 27 ноември 2018

Поради кралските правила и исклучоци, бебето на принцот Хари и Меган Маркл најверојатно нема да носи титула принц/принцеза, туку лорд или лејди, па затоа и не постојат стегите околу наследувањето на имињата.

Кралската традиција вели дека принцови или прицнези можат да бидат првороденото дете на монархот, внукот/внуката од него и правнукот/правнуката од внукот или внуката.

За принцот Хари, а потоа и за принцезата Шарлот и за принцот Луи е направен исклучок од одредбите на Џорџ 5-ти, кој веројатно нема да важи за потомството на принцот Хари.

Па така, Меган и Хари немаат обврска да ги комбинираат традиционалните кралски имиња во името кое ќе го добие нивното дете.

Сепак, принцот Чарлс се радува за доаѓањето на своето четврто внуче. Тој изјавил дека за време на турнејата во Австралија, Хари и Меган му откриле дека во потесниот избор се имињата Кајли и Шејн, но дека постои можност и за Една или Лес.

Иако на никого не му е јасно дали принцот Чарлс се шегувал или бил сериозен, фановите на кралското семејство веќе навиваат детето да добие кралска титула, бидејќи „принцезата Една“ звучи навистина кралски.

Е. Д. | Црнобело