Наоми Кемпбел, Хари и Вилијам откриваат детали за принцот Чарлс пред неговиот 70-ти роденден

Детали

четврток, 08 ноември 2018

„Не му е проблем да лази по подот со внуците со часови“, вели Вилијам. „Има млад дух“, вели Наоми Кемпбел.

Принцот Чарлс на 14-ти ноември ќе го прослави својот 70-ти роденден и по тој повод беше снимен документарен филм за наследникот на британскиот трон.

Интересно е што „среќен роденден“ предвреме му посака и Наоми Кембел на нивната средба во Нигерија. 48-годишниот супермоделот му кажа на Чарлс дека најважно е што духот му е сè уште млад и дека одлично се држи. Инаку, тие двајцата соработуваат со години на поле хуманитарна работа.

„Тој ми е прекрасен пример“, додаде Наоми која носеше црн Ralph & Russo фустан со пердуви на средбата со принцот.

Во документарниот филм за Чарлс неговиот син Вилијам вели дека посакува неговиот татко да престане да биде толкав воркохолик и да почне да минува повеќе време со внучињата затоа што е брилијантен во улогата на дедо. Не му било проблем со часови да лази по подот и да испушта чудни звуци за да ги насмее своите внучиња.

„Од друга страна, толку е преокупиран со работата што некогаш му се случува да заспие врз документите“, откриваат неговите синови. Вилијам вели дека Чарлс на 70 години е најфит човекот што го познава, но мора да внимава на себе за да биде фит и на 95.

Велат дека тој како никогаш да не запира. Има неверојатна работна етика и така било уште кога Чарлс и Вилијам биле мали и едвај успевале да си посакаат „добра ноќ’ со него. Вечера навистина доцна затоа што постојано работи, открија тие.

Како медиумите го претставуваат принцот Чарлс, а каков е тој во реалноста?

Фотки од принцот Чарлс:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело