Ѕвездата на „This Is Us“ признава: Ми беа потребни 38 години за да облечам костим за капење

Детали

недела, 21 октомври 2018

Актерката Криси Мец, исто како и ликот кој го глуми во „This Is Us“, често имала проблеми со самодовербата поради физичкиот изглед.

И во приватниот живот Криси се бори со здравствени проблеми и прекумерна тежина. Oткако се појави во улогата на Кејт во „This Is Us“, стана симбол на позитивното размислување за сопственото тело. Но, не било така отсекогаш.

Кога била помлада, но и пред големиот успех на серијата, Криси постојано носела широки маици кога одела на плажа или на базен. Но, во последното интервју за магазинот „Гламур“, признала дека донела храбра одлука:

„Ќе најдам костим за капење кој ми се допаѓа и ќе го носам.“

На одморот во јуни, таа го направила токму тоа. Криси заминала на одмор во Барбадос, во еден од луксузните ресорти и самоуверено успеала да го носи црниот костим за капење.

Фотографии од својот одмор објавувала на профилот на Инстаграм. Многу од пријателите и фановите ја поддржале во нејзината одлука да се ослободи од несигурностите, но имало и коментари од личности кои не ја сфатиле добро поентата.

Сепак, облекувањето костим за капење бил еден чекор во животот на Криси кој таа долго време го одложувала и се плашела да го направи.

Во „This Is Us“ и Кејт, ликот на Мец, се бори со вишокот килограми, но актерката е среќна што тоа не е фокусот, туку и останатите проблеми.

„Луѓето кои никогаш не страдале од прекумерна тежина мислат дека само седиш во еден агол и јадеш. Јас се трудам да ги откријам реалните проблеми, затоа што храната е симптом, а не проблем. Секој пополнува некоја празнина со нешто.“

Она што уште ја изненадува е зачуденоста на одредени луѓе, кои не можат да сфатат како личност со вишок килограми добила шанса да се појави на телевизија. Но, на тоа одговара со:

„Навистина? Зарем? Па има многу други работи за кои вреди да се зборува, наместо тоа.“

Е. Д. | Црнобело