Ѕвезди кои ја мразат својата слава и вниманието од медиумите

Детали

понеделник, 10 септември 2018

Џенифер Лоренс посакува да може да земе 3 месеци пауза и никој да не ја слика, а Џони Деп вели дека неговиот живот личи на животот на затвореник бегалец.

За некои познати личности светската слава е главната цел и прават сè за постојано да бидат во медиумите. Но, некои од нив пак сакаат да бидат на страна од будното око на јавноста и сето тоа внимание на моменти ги преоптоварува.

Кои познати личности ја мразат својата слава:

Ема Вотсон

По Хари Потер, славата на Ема Вотсон расте со вртоглава брзина, а секоја наредна улога ѝ е сè поголем успех. Во едно интервју Ема откри дека славата ѝ паѓа многу тешко и дека ужасно ѝ е што мора постојано да се справува со демнењето на нејзината приватност од страна на медиумите.

Џенифер Лоренс

Актерката која со право стана дел од шлагот на Холивуд вели дека ѝ е потребно пауза од славата. Таа посакува да може да контролира кога ќе биде фотографирана. Не сака да биде осудувана што ги носи истите фармерки 3 дена по ред.

Џони Деп

Легендарниот актер животот со демнење од папарацо фотографите го спореди со живот на затвореник бегалец. Вели дека тоа му го прави заплашувачко и едноставното влегувањето во ресторан или излегување од хотел.

Скарлет Јохансон

Заработува милиони, но никогаш нема да ја видите како празни некоја продавница од светски познат бренд. Таа на улиците изгледа сосема обично и прави сè за да се претопи во толпата, да ги избегне папараците и да води нормален живот.

Уште 4 ѕвезди на следната страна...