Чудни предмети на славните, продадени на аукција за голема сума на пари

Детали

понеделник, 03 септември 2018

Дури и најобичната работа може да добие вртоглаво висока вредност ако била искористена од славна личност.

Направивме селекција од 8 чудни, па дури и бизарни предмети, кои биле скапо платени, само затоа што биле користени, облечени или им припаѓале на ѕвездите:

Ако му веруваме на жолтиот печат, тестот за бременост на Бритни Спирс (пронајден во нејзината соба во хотел во Лос Анџелес), бил продаден за 5.000 американски долари.

Givenchy колекцијата на фустани кои ѝ припаѓале на Одри Хепберн, биле продадени за 270.000 британски фунти.

Забот на Џон Ленон бил продаден за 31.000 долари, на забар од Канада.

Црвените чевлички на Дороти од Волшебникот од Оз достигнале цена од 660.000 американски долари. Купени се од сопственик на продавница за сувенири во Холивуд.

Ракавицата на Мајкл Џексон сега е во рацете на богат жител на Хонгконг, кој платил 350.000 долари за да ја добие.

Кеса со воздух од концерт на Канје Вест е продадена за 60.000 американски долари.

Спортскиот градник кој Џенифер Лоренс го носела за време на снимање на филм, на аукција достигнал цена од 3.175 долари.

Долната облека која Елвис Присли ја носел во 1977-ма година на коцерт е продадена за 10.000 британски фунти.

М. Д. | Црнобело