Зошто Кејт Мидлтон и принцот Вилијам раскинаа пред да се венчаат?

Детали

сабота, 02 јуни 2018

Принцот Вилијам вели дека биле многу млади и им требало простор за да го пронајдат својот пат, но еден негов потег бил главната причина за разделбата.

Ако со вашиот партнер имате историја со разделби и смирувања не грижете се, тоа им се случува и на познатите. Кејт Мидлтон и принцот Вилијам ја прекинаа врската пред да се случи нивната раскошна свадба во април 2011 година.

Во 2007 година, 4 години откако започнаа да се состануваат, тие ја прекинаа врската и тргнаа по различни патишта. Во времето кога се случи тоа кралското семејство не сакаше да коментира, туку само изјави дека тоа е приватен живот на Вилијам.

Зошто се разделија?

Кон крајот на 2006 година семејството на Кејт го поканило Вилијам да ја прослави новогодишната ноќ со нив. Родителите на Кејт резервирале вила во едно снежно село во Шкотска. Вилијам се согласил да дојде, но потоа се премислил и не се појавил. Ова страшно ја изреволтирало Кејт.

Минувањето на празниците со кралицата е строго кралско правило, а бидејќи Кејт тогаш технички не била дел од семејството не ѝ било дозволено да присуствува.

По новогодишната ноќ Вилијам се посветил на своите воени обврски и парот не бил во можност да се гледа.

Додека за него осамнувале наслови од пијанки, вечерни излегувања, па и флерт со жени во Лондон, Кејт била под константен притисок и надзор од медиумите. Сите овие причини довеле до крај на нивната врска.

Во јуни 2010 година на една забава по повод завршувањето на воените тренинзи на Вилијам парот повторно се сретнал.

На одморот во октомври во Кенија истата година Вилијам ја запроси Кејт со свршеничкиот прстен од неговата почината мајка Дијана.

Како што знаете раскошната свадба се случи во април 2011 година, а нивното прво дете, синот Џорџ го добија во јули 2013. Останатото е историја.

Во едно интервју откако се смирија, на прашањето за разделбата Вилијам изјави:

„Двајцата бевме многу млади, се баравме себеси и имавме различни карактери. За да го пронајдеме сопствениот пат моравме да си дадеме простор додека растевме и тоа испадна одлично за нас. Гледате?“

С. С. | Црнобело