Бизарни козметички процедури, благодарение на кои ѕвездите изгледаат совршено

Детали

вторник, 01 мај 2018

Славните жени секогаш се пример за сите останати со нивниот совршен изглед.

Но, за да го постигнат тие, дамите се подложни на најразлични козметички процедури и третмани, кои им помагаат да блескаат.

Секако, повеќето од нив се скапи, а можеби и недостапни кај нас, но ѕвездите можат да си дозволат сè кога е во прашање нивната убавина.

За некои од нив навистина ќе се зачудите, но погледнете како ѕвездите се разубавуваат и на какви бизарни третмани се подготвени:

Кога Кејт Хадсон сака набрзина да ја освежи кожата, влегува во када полна со мраз.

Деми Мур одвреме навреме практикува хирудотерапија, со помош на пијавици – чудно, но очигледно делува.

Викторија Бекам ужива во корејска маска со измет од славеј, за да ја осветли кожата и да се ослободи од акните.

Козметичарката на Хајли Болдвин зема крв од нејзината рака, ја става во машина и ја одвојува плазмата пред да ја стави во крема за навлажнување на кожата.

Кејт Бланшет прави микро инјекции со матични клетки извлечени од кожичка на пенис, а според неа и нејзиниот козметичар, тоа е одличен начин за борба против стареење на кожата.

Ким Кардашијан имала процедура наречена „вампирско лице“, а за време на истата, докторот зема крв од прстот на пациентот, вади тромбоцити и ги става под кожата на лицето за подобра еластичност. Подоцна и самата Ким призна дека не би го направила повторно.

За косата на Кетрин Зита Џонс да биде сјајна, таа откри дека користи домашна маска од пиво и мед, но открива и дека косата долго потоа мириса на пиво.

За лицето на Џеј Ло да биде блескаво и младо, таа користи колагенски маски со човечка плацента, кои ја навлажнуваат кожата и ја зголемуваат еластичноста.

Ферги како замена за ботокс практикува третмани со вештачка верзија на отров од змија, која е развиена да го имитира ефектот на парализа на истиот, а со тоа кожата се релаксира.

М. М. | Црнобело