Кајли Џенер го откри името на нејзината ќеркичка

Детали

среда, 07 февруари 2018

Со прекрасна фотографија на Инстаграм Кајли Џенер откри како ќе се вика нејзината ќеркичка.

Кајли Џенер објави фотографија на Инстаграм на која го држи рачето на својата ќеркичка и го напиша нејзиното име.

„Stormi Webster“ (Сторми Вебстер) гласеше описот на фотографијата и со тоа младата реалити ѕвезда откри дека нејзината мала принцеза ќе го носи токму ова име.

Вебстер е вистинското презиме на нејзиното момче, односно таткото на детето, Тревис Скот.

Но, како дојдоа до Сторми?

Извор близок до парот вели дека одлуката за името била донесена веќе некое време, отприлика пред 20-тиот роденден на Кајли затоа што персоналот на Кајли кога посетил една продавница за бебиња во Лос Анџелес купиле повеќе работи за бебето, меѓу кои и креветче на кое било напишано името „Сторми“.

Сè уште нема конкретно објаснување како дошле до идејата за ова необично име и единствената асоцијација е дека потекнува од зборот „storm“ (бура).

Семејството Кардашијан е познато по изборот на нетипични имиња за нивните најмали.

С. С. | Црнобело