Зошто Пипа Мидлтон исчезна од радарот на медиумите?

Детали

вторник, 06 февруари 2018

Сестрата на Војвотката од Кембриџ по неколку неуспешни професионални проекти се повлече од јавноста и сега ужива во мирниот брачен живот со Џејмс Метјус.

Интересот за британското кралско семејство е во полн ек, но една личност блиска до нив повеќе ја нема на радарот на медиумите.

Пипа Мидлтон, сестрата на Кејт Мидлтон, по свадбата со бизнисменот Џејмс Метјус минатата година комплетно исчезна од медиумите.

Таа славата ја доби во 2011 година кога ја видовме во прекрасно издание како деверица на свадбата на нејзината сестра со принцот Вилијам, а оттогаш беше дел од многу хумантирани настани, пишуваше колумни, а го издаде и прирачникот за готвење „Heartfelt“.

Во тој период откри дека пишувањето на прирачникот ѝ било вистинско задоволство затоа што пренесувала искуства од нејзиниот здрав начин на живот, но за жал „Heartfelt“ доби многу лоши критики.

Пипа во 2013 година започна да пишува колумни за најпознатите британски магазини како „Vanity Fair“ и „The Spectator“, а ја издаде и книгата „Celebrate“ во која откри дека малку ја застрашило тоа како пред да наполни 30 години, сите во светот почнале да ја препознаваат, благодарение на нејзината сестра и зет.

Но, по целата фама околу неа, таа исчезна, а многумина за тоа го наведуваат фактот што нејзиниот обид професионално да се реализира не наиде на добри критики.

Во една пригода Пипа изјави дека е навистина тешко да го пронајдеш својот пат и да живееш нормален живот кога сите погледи се вперени во тебе.

Некои пак, тврдат дека принцот Вилијам и кралското семејство не сакале за нивното име да се врзуваат неуспеси, какви што беа дел од проектите на Пипа, па тие ја посоветувале да се тргне на страна од медиумското внимание.

Сопругот на Пипа, кој е мултимилионер исто така не сака многу публицитет, па очигледно двајцата уживаат во бракот, скриени од љубопитните погледи.

„Таа сега е среќно мажена и нема потреба да оди на забави и церемонии, сето тоа го остави зад себе“, изјави извор близок до Пипа.

На свадбата на Пипа и Џејмс во 2017 година новинари не без поканети. По свадбата, која чинеше околу 1 милион долари, парот замина на меден месец во Француска Полинезија и Австралија.

Инаку, наредно јавно појавување на Пипа се очекува да биде на свадбата на принцот Хари, затоа што тие двајца се во одлични пријателски односи, и покрај гласините за нивната наводна, некогашна врска.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело