Славни татковци кои ги обожаваме кога се покрај своите деца

Детали

четврток, 16 март 2017

Најверојатно ќе се согласите, нема ништо поубаво од тоа кога ќе видите нежен татко со своето дете.

Ѕвездите можеби имаат многу обврски, ама секогаш наоѓаат време за своите деца и додека си играат со нив, нас успеваат да ни ги стопат срцата:

Џастин Тимберлејк и неговиот син Силас

Џастин и неговата сопруга, Џесика Бил, го добија синот пред две години, а за улогата на татко,тој вели: „Тоа е најлудата, најневеројатна, прекрасна и најубава работа која некогаш ми се случила.“.

Вин Дизел и ќеркичката Полин

Вин е татко на синот Винсент и ќерките Ханија и Полин, а за татковството вели: „Најлудиот трик кој некогаш сум го направил? Тоа што станав татко.“.

Роби Вилијамс и неговата ќерка Теди

Роби и неговата сопруга, Ајда Филд, ќеркичката ја добија пред 4 години, а по две години добија и син. Пејачот вели дека обожава да менува пелени, односно дека негово најголемо задолжение и задоволство е токму тоа.

Ештон Качер и неговата ќерка Вајат

Ештон ќерката Вајат ја доби пред две години, а сега, доби и уште едно малечко. За татковството дели дека е „Најголемата и најважна работа. Прави да бидам подобар човек.“.

Двејн Џонсон и неговата ќерка Јасмин

Двејн веќе беше татко на ќерката тинејџерка од поранешната сопруга, кога ја доби својата втора ќерка Јасмин. Масивниот актер е многу заштитнички настроен кон неговата ќерка, а за улогата на татко вели: „Да се биде татко е најдобрата задача која некогаш сум ја имал и која некогаш ќе ја имам. Кога првпат ја задржав во раце, кога се роди, ѝ реков да не се грижи, бидејќи јас секогаш ќе бидам тука да ја заштитам.“

Крис Хемсворт со близнаците Тристан и Саша

Крис и неговата сопруга Елса Патаки се родители на три деца, а еве што вели тој за татковството: „Да се биде татко дефинитивно е задача, ама најдобрата задача која некој некогаш може да ја побара.“.

Џон Леџенд и неговата ќерка Луна

Пејачот повеќе од сигурно е дека ќе биде прекрасен татко. За својата ќерка и татковството вели: „Го добивате ова малечко човече кое е производ на вашата и љубовта на партнерот и мислам дека е неверојатна работа да гледате како сте рефлектирани во тоа дете и имате задача да го учите, воспитувате и да се грижите за него.“.

Мет Дејмон и ќерката Џија

Мет и неговата сопруга Лусијана Баросо имаат четири ќерки, а вели дека: „единствениот начин на кој можам да го опишам татковството... знам дека звучи глупаво, ама е како на крајот на филмот „How the Grinch Stole Christmas“ кога срцето ви расте отприлика 5 пати поголемо.“.

Рајан Рејнолдс со ќеркичката Џејмс

Канадскиот актер и сопругата Блејк Лајвли неодамна станаа родители на уште едно дете, а за неговата ќерка тој вели: „Ме врти на малиот прст. Глупаво е знам. Доволно е да каже тато и подготвен сум да одам и низ цемент за неа.“

Џејсон Сидекис и синот Отис

Џејсон и неговата сопруга Оливија Вајлд, се родители на две деца. Тој за синот вели: „Отис ме вика тате и мислам дека тоа е пресмешно. Никогаш не очекував дека тој збор ќе биде толку магичен.“

Том Харди и неговиот син Луис

Актерот игра во многу улоги, но најважната улога која ја има е онаа на татко. „Повеќе не мислите само за себе. Можеби работам некаде далеку, ама секогаш морам да бидам сигурен дека моето мало момче има сè што му треба.“

Н. Г. | Црнобело