Викторија Бекам за Вог: Бев малку пијана кога го запознав Дејвид

Детали

петок, 02 септември 2016

Викторија Бекам во новиот Вог зборува за љубовта на прв поглед со Дејвид, нејзините несигурности од тинејџерството и модните избори кои ги направи изминативе години.

Најпознатиот и веројатно еден од најстабилните славни парови е заедно над 19 години.

Дури сега 42-годишната Викторија сподели како изгледало нивното запознавање и вљубување.

„Учете повеќе за фудбалот, посебно за офсајд правилото. И да, љубовта на прв поглед постои. Ќе ви се случи кога сте во собата на играчите на Манчестер Јунајтед, кога сте малку пијани, па точните детали ќе ви бидат малку матни.

Кога сите останати играчи стојат на шанкот и пијат со пријателите, ќе го видите Дејвид како стои со неговото семејство настрана. (Тој дури и не е во првиот состав на тимот, туку ти си славната во ситуацијава.)

И има прекрасна насмевка. Ти, исто така, си блиска со семејството и ќе си помислиш колку всушност сте слични. Тој ќе ти го побара бројот. (Уште го чува Лондон-Манчестер авионскиот билет на кој го запиша.)“

Љубовта на Бекамови низ годините погледнете ја тука.

М. Д. | Црнобело