Планина, свеж воздух и растечен нос? Има решение

Детали

петок, 17 февруари 2023

Промената на клима или надморска височина честопати се причина за затнат и растечен нос. Во таков случај, како брзо и ефикасно решение користиме капки или спрејови, за да го олесниме дишењето. Но, важно е истите да делуваат брзо, но и да имаат заштитна улога за носната слузница.

Во период сме на зимски одмори и продолжени викенди. Дел од луѓето, сакајќи да го избегнат градскиот смог, се одлучуваат да одат на планина или на скијање за да престојуваат на чист и свеж воздух. „Бегството“ од урбаниот хаос секогаш е убава можност да го поминеме времето со нашите најблиски. Но, за жал во одредени ситуации промената на клима и надморска височина може да придонесе за зголемување на симптомите на затнат или растечен нос.

Ваквиот проблем честопати се одлучуваме да го надминеме со инхалации подготвени во домашни услови или преку терапија со етерични масла, што може значително да помогне во одзатнување на носот и отстранување на секретот. Честата консумација на течности (вода, природни чаеви и цедени сокови) исто така влијае во разложување и исфрлање на исцедокот кој е насобран во носот.

Покрај надморската височина која ги влошува симптомите на затнат или растечен нос, дополнителна причина е и актуелната сезона на настинки и грипови. Затнатиот нос е еден од главните симптоми кај сите возрасни групи на граѓани, а оваа состојба нѐ прави нервозни бидејќи го нарушува непреченото дишење. Исто така придонесува и за појава на несоница и немирен сон, кој пак ни е особено важен за секојдневното функционирање, но и за одржување на силен имунолошки систем.

Сакајќи да се справиме со затнатиот/растечен нос користиме различни видови на капки или спрејови. Луѓето бараат брзи и едноставни решенија и не секогаш водат сметка за составот на производите. Голем дел од овие производи делуваат брзо, но во исто време ја сушат и оштетуваат носната слузница, што доведува до неколкудневно печење на носот.

Затоа при изборот на третман треба да користиме производи кои го одзатнуваат носот, но истовремено и ја заздравуваат оштетената носна слузница. Нашиот препарат во себе содржи единствена формула на деконгестив и декспантенол, што ја лекува и негува носната слузница.

Повеќе информации за брзо и ефикасно третирање на затнат или растечен нос, но и за заштита на носната слузница можете да најдете на следниот линк.