Sony Cinema Line Master Class во Скопје

Детали

петок, 03 февруари 2023

На овогодинешниот Sony Cinema Line Master Class 2023 беа презентирани перформансите на Sony FX6, FX3, FX30 како и комплетната гама на Sony G Master објективите. Настанот се состоеше од два дела; теоретски и практичен дел каде присуствуваа македонски кинематографи, продуценти и режисери од продуцентските куќи, а предавач беше еден од врвните кинематографи од Бугарија, господин Христо Лазаров од Анаморф Студио.

Целосниот потенцијал на моделите на Sony FX6, FX3 и FX30 беше презентиран на практичниот дел од предавањето, а присутните можеа да уживаат во снимањето на прекрасна визуелна содржина создадена со леснотија и прецизност. Исклучителната резолуција и напредната оптика на леќите Sony G Master се главниот фактор за креирање на остри снимки без аберација, а нивниот брз и прецизен автофокус го прави снимањето на совршениот кадар премногу лесен. Дури и во најпредизвикувачките услови, високопрецизните механички компоненти и одличната стабилизација на сликата на леќите Sony G Master обезбедуваат перфектно јасни кадри.

Cinema Line Master Class има за цел да им покаже на професионалците како на едноставен начин да раководат со високо квалитетна опрема која ќе им овозможи совршени снимки. Sony и понатаму ќе продолжи да ја поместува границата во технологијата и на своите клиенти да им овозможи врвни производи кои снимањето ќе го претворат во вистинско уживање и за оној позади, но и за оној пред камерата.