Одржана првата обука од Караванот на мајчинство: dm и Матрона советуваа стотина присутни на темата „Правилна нега и исхрана на мајки и новороденчиња“

Детали

четврток, 15 август 2024

Овој август, dm дрогерие маркт во соработка со Матрона -  Центар за промоција на здравје и човекови права започна ,,Караван на мајчинство“ кој ќе опфати online обуки, како и обуки со физичко присуство, кои ќе се одвиваат во текот на една година на темата ,,Правилна нега и исхрана на мајки и новороденчиња“. Првата обука од Караванот беше одржана на 14 август!

Постои нешто навистина магично во бременоста. Секој ден во текот на деветте месеци во женското тело се случуваат биолошки процеси, организмот точно знае што да направи и кога. Кога го читаме ова, си велиме дека телото е програмирано само да ,,работи“ и ова нѐ доведува до тоа да поверуваме дека ние немаме контрола врз овие процеси.

Но, ова не е вистина. Постојат многу работи кои може да ги направиме за да го оптимизираме нашето здравје, но и здравјето на бебето.

Една од најважните работи овој период е негата и исхраната, а токму ова беше темата во првата обука на ,,Караван на мајчинство“ која се одржа на 14 август, онлајн на ZOOM платформата.

Прим. д-р Марина Поп Лазарова и Д-р Александар Митов 2 часа, во присуство на стотина пријавени споделија драгоцени совети за идните и новите мајки.

Тие разговараа за широк спектар на теми, започнувајќи од важноста и придобивките од доењето и мајчиното млеко (како за детето, така и за мајката), проценката на успешност за доење, измолзување и складирање на млекото, па сѐ до комплементарната исхрана која се воведува од 4-от до 6-от месец и начинот и стратегијата за воведување на оваа дополнителна исхрана.  

Тие испратија важна порака дека  е неопходен индивидуален пристап за секоја мајка и секое дете, но и доволно трпение за овој период.

По обуката, следуваа бројните прашања од присутните, на кои беа дадени соодветни одговори проследени со совети и препораки сѐ со цел да им се помогне на трудниците и мајките во надминување на нивните лични и реални проблеми и дилеми.

Караванот на мајчинство во наредната цела година ќе опфати едукативни презентации, вебинари и работилници од страна на експерти од различни медицински области. Овие работилници ќе се одвиваат oнлајн на платформата ZOOM, но и со физичко присуство во различни градови.

Од компанијата велат дека емотивната поврзаност со нивните купувачи е нешто што тие ќе продолжат да го негуваат во текот на своето работење, а овој караван е нешто навистина значајно со кое се надеваат дека ќе се поврзат со идните и новите мајки.

Следната работилница е планирано да се одржи во септември, а за да го дознаете точното време и место, следете ги социјалните мрежи на dm!