Акционерите на Триглав ќе добијат дивиденда од 2,50 евра бруто по акција

Детали

среда, 07 јуни 2023

На 48-то Генерално собрание на акционери на Заваровалница Триглав акционерите го поддржаа предлогот на Управниот одбор и на Надзорниот одбор за исплата на дивиденда од 2,50 ЕУР бруто по акција. Го разгледаа Годишниот извештај за 2022-ра година, го потврдија и одобрија работењето на Надзорниот одбор и Управниот одбор за 2022-ра година и назначија двајца нови членови на Надзорниот одбор, претставници на акционерите.

(Љубљана, 6^ти јуни, 2023г.) На денешното 48-мо Генерално собрание на акционери на Заваровалница Триглав, акционерите го усвоија предлогот на Управниот одбор и на Надзорниот одбор, за исплата на дивиденди да одвојат 56,8 милиони евра или 2,50 евра бруто по акција, што изнесува нешто повеќе од 50% од нето добивката на Групацијата Триглав за 2022-ра година и претставува дивиденден принос од 7%. Дивидендата ќе им биде исплатена на акционерите, кои ќе бидат регистрирани во книгата на акционери на друштвото во вторник, 20-ти јуни, 2023-та година (првиот ден на тргувањето без право на исплата на дивиденди е понеделник, 19-ти јуни, 2023-та година). Андреј Слапар, Претседател на Управниот одбор на Заваровалница Триглав, изјави: „Им благодарам на акционерите за нивната доверба. Што се однесува до исплатата на дивиденди, задоволни сме што по годините обележани со последиците од пандемијата, повторно можеме да ја спроведеме дивидендната политика на начинот на кој што ја зацртавме. Ова значи дека нејзиното спроведување е одржливо во поглед на растот, развојот и финансиската стабилност на Групацијата Триглав, и воедно е атрактивна за нашите акционери.“

Акционерите го разгледаа Годишниот извештај на Групацијата Триглав и на Заваровалница Триглав за 2022-ра година и го потврдија и одобрија работењето на Управниот одбор и на Надзорниот одбор за 2022-ра година. Тим Умбергер и Моника Крамер Манхем беа назначени за нови членови на Надзорниот одбор, претставници на акционерите.

На Годишното собрание на акционери беше одобрен извештајот за надоместоци на Заваровалница Триглав за 2022-ра година, додека, пак, предлог одлуката за политиката за надоместоци на Заваровалница Триглав не беше усвоена. Политиката за надоместоци се применува во Заваровалница Триглав и е во согласност со законските регулативи, но не е целосно усогласена со овогодинешната верзија на препораките на акционерите на SDH, објавени по свикувањето на Годишното собрание на акционери на Заваровалница Триглав. Препораките ќе бидат разгледани до следното редовно Собрание на акционери на Заваровалница Триглав. 

Заваровалница Триглав

Заваровалница Триглав е водечка словенечка осигурителна компанија и матично друштво на Групацијата Триглав. Се состои од мрежа од 12 регионални единици, повеќе од 50 претставништва и со преку 650 осигурителни агенти низ цела Словенија. Бо својата понуда компанијата ги вклучува сите видови животни и имотни осигурувања, како што се осигурување на имот и имотни интереси, автомобилски, земјоделски, транспортни осигурувања, осигурувања на побарувања, како и осигурувања за патувања. Заокружената понуда на животни осигурувања ги вклучува сите облици на осигурувања на живот, рентни, пензиски, здравствени осигурувања и осигурувања во случај на незгода.

Групација Триглав

Групација Триглав повеќе од 120 години ја ужива довербата на своите клиенти, кои веруваат дека Триглав најдобро ќе ја обезбеди нивната финансиска сигурност и иднина. Клучните столбови на работењето се осигурителната дејност и управувањето со имот. Најголемата осигурителна и финансиска групација во регионот Адрија, како и една од водечките во Југоисточна Европа, работи во шест држави, на седум пазари и вработува повеќе од 5.000 луѓе. Групацијата Триглав ги задржува цврстата финансиска стабилност, високата адекватност на капиталот и профитабилноста во работењето, што ги потврдуваат и високите бонитетни оценки »A«, добиени од две признати агенции за кредитен рејтинг. Главните вредности на компанијата се едноставноста, агилноста и доверливоста, а мисијата е градење на безбедна иднина. Со својата визија се стреми кон динамичен развој на нови начини на работа, кои што претставуваат темел на одговорен, долгорочен развој, а истовремено работи профитабилно и безбедно.