Ексклузивен концерт: 40 Fingers во Скопје како дел од светската турнеја!

Детали

петок, 07 април 2023

На 7 АПРИЛ 2023 Петок со почеток во 20 часот како дел од светската турнеја во Големата Сала на Македонска Филахармонија за прв пат во Македонија ќе настапи италијанскиот квартет акустични гитари 40 Fingers во кои членуваат италијанските гитаристи Matteo Brenci, Emanuele Grafitti, Andrea Vittori, Enrico Marija Milanessi.

Четворица музичари, со сосема различни музички приказни кои преку т.н. техника fingerpicking на акустични гитари истражуваат нови звучни универзуми, изведувајќи широк репертоар на оригинални дела до познати музички теми аранжирани за четири гитари. На овој начин тие ни овозможуваат врвна музичка изведба што ја воодушевува и не ја остава рамнодушна публиката.

Реинтерпретација на одличните класици на модерната музика, од Piazzollа до Beatles, од Dire Straits, Queen до Eric Clapton, изразувајки се во различни музички правци од џез до латиноамериканската музика.

На концертот во Скопје квартетот со својот препознатлив кросовер стил ќе се претстави со обработки на најпознатите музички теми: Toto – Africa, The Eagles - Hotel California, Game of Thrones Medley / The Gael (Last of Mohicans Theme song), Eric Clapton - Tears in Heaven, Queen - Bohemian Rhapsody, John Williams - Star Wars Medley,Dire Straits - Sultans of swing , The Beatles - Hey Jude.

Со повеќе од 90 милиони прегледи он-лајн се новата музичка атракција во светот.

Најлегендарните песни и најдобрите звуци испреплетени и претставени на едно несекојдневно музичко шоу.

Она што следи е возбудливо искуство за публиката.

Концертот е во организација на МГ Мјузик Продукција.