Легендарни музичари со кои се збогувавме во 2016-та

Оваа година многумина ќе ја паметат како социјално и културно тешка година.

Во 2016-та година многу легендарни пејачи си заминаа.

А, смртта на музичките икони како Дејвид Боуви, Принц и Морис Вајт нè натера да сфатиме дека музиката игра голема и значајна улога во нашите животи.

Да се потсетиме на животите и влијанието на некои од најголемите музичари кои си заминаа во 2016-та година:

Дејвид Боуви

Смртта на Бовуи дојде како шок за сите негови фанови, бидејќи се случи само неколку денови после неговиот роденден и објавувањето на новиот и последен албум „Blackstar“.

Боуви 18 месеци тајно водел битка со ракот на црниот дроб.

Како културна фигура, Боуви претставуваше надеж за иднината и човештвото. Неговите прогресивни ставови, стилот и музиката се голема загуба за светот, но засекогаш ќе се останат запаметени во музичката историја.

Алан Вега

Вега ќе остане запаметен како херој на „андерграунд“ музиката и неговиот протопанк бенд „Suicide“ со кој инспирираше бројни музичари од разни жанрови како рок, електронска, индустриска и техно музика.

Глен Фреј

Иако Фреј имаше успешна соло кариера во 80-ите, тој засекогаш ќе остане запаметен како основачот на „The Eagles“ и меѓу првите кои успешно ја дефинираа културата на рокот во Калифорнија, па и пошироко во светот.

Принц

Принц беше провокатор и гениј. Како и Боуви, тој имаше способност совршено да ги комбинира музичките жанрови и да ги предизвика нормите и културните ставови - редок талент кој предизвика револуција на нашите сфаќања за машките музичари во поп културата.

Леoнард Коен

Канадскиот пејач, текстописец и поет, Леонард Коен почина на 82-годишна возраст, но тој засекогаш ќе остане во срцата на фановите како музичар кој беше способен во своите песни да постави важни животни прашања за љубовта и смртта.

Морис Вајт

Смртта на основачот на „Earth, Wind & Fire“ дојде како шок. Тој беше одговорен за една од највлијателните групи на сите времиња како и на револуцијата на фанк музиката.

Н. Г. | Црнобело