Со 3 песни на Инстаграм, Coldplay го најави својот нов албум
Coldplay почнаа да споделуваат мали делови од нивниот нов албум, „A head full of dreams“, кој ќе излезе на 4-ти декември.
Во овој албум гостуваат Бијонсе, Гвинет Палтроу бившата сопруга на Крис Мартин заедно со нивните деца, Блу Ајви ќерката на Бијонсе и Џеј Зи и секако, не може да не се спомене претседателот Барак Обама.
Иако претседателот на снимал директно во студио, во албумот е ставена неговата верзија на „Amazing Gracе“ која тој ја отпеал на погребот на Клементра Пикни како дел од нивната песна „Kaleidoscope“.
Иако на делот кој е објавен од песната „Everglow“ не се слуша гласот на Гвинет Палтроу, таа заедно со децата и Блу Ајви е дел од песната.
Колдплеј сподели мал дел од песната со Бијонсе. Иако Крис Мартин и Бијонсе имаат настапувано заедно и порано, песната „Hymn for the weekend“ е нивната прва официјална соработка.
Слушнете ги кратките делови од новите песни на Coldplay:
„Hymn for the weekend“ со Бијонсе
„Kaleidoscope“ со дел од изведбата на претседателот Обама
„Everglow“ со Гвинет Палтроу
На нивниот Инстаграм профил можете да ги слушнете и останатите песни.
М. Д. | Црнобело
Препорачуваме
Најчитани неделава
