„За Нас“ – музичко првенче на Ања Мицевска

Запознајте ја Ања. Иако има само 13 години, младата Ања многу зрело и професионално го започнува својот музички пат. Нејзиното првенче “За Нас“ ни дава прекрасна урбана приказна за првата љубов, првиот занес и копнеж кои се одлика на тинејџерските години. Чувствата кои го следат зачекорувањето во светот на возрасните се мајсторки пренесени во текстот напишан од Ирена Мирчевска Љац и Јулиа Мицевска.

Музиката, компонирана од Горан Мицевски Кус, е динамичен прогресив хаус кој веднаш го освојува слушателот. Со својата заразна мелодија и ритам, оваа песна ветува да остане запаметена уште при првото слушање.

Ања, заедно со талентираниот тим од Анастасија Центар од Битола кој работеше на овој проект, создаде и видео запис за песната “За Нас“. Стефанија Милевска Враниќ стои зад кореографијата, сценариото и режијата, додавајќи дополнителна длабочина и визуелна привлечност на приказната. Нејзината работа со Ања на видео записот за "За Нас" е само уште еден пример за нејзината непоколеблива посветеност кон развојот на младите таленти и промоцијата на нивните дела на поголема сцена и уште еднаш покажа дека е најголемиот поддржувач на млади таленти и уметници од Македонија.

Во видео записот покрај Ања учествува и танчерска група од Анастасија Центар: Матеја Стојчевска, Уна Димовска, Дејана Магденовска, Мартина Ристеска и Илина Мартиновска, чија улога во проектот го збогатуваат визуелниот и уметничкиот аспект на песната.

Особено внимание заслужува костимографијата, дело на Анастасија Зулевска, моден креатор од Битола. Нејзината креативност и способност да креира визуелни приказни кои ги дополнуваат музичките тонови е евидентна во секој детал од облеката на уметниците.

Владич Бошковски, задолжен за снимањето и монтажата на видео записот, донесе професионализам и уметничка прецизност во завршниот продукт.

Ања ја имаше својата промоција на песната "За Нас" на 27 декември 2024 година, за време на Новогодишниот концерт во Анастасија Центар. Овој настан беше совршена платформа за претставување на нејзиното првенче пред пошироката публика, давајќи и можност да го сподели својот музички талент.

“За Нас“ на Ања е достапна на нејзиниот YouTube канал, каде што може да се преслуша и да се види видео записот, како и на сите дигитални музички платформи. Оваа песна не само што е музички ужиток, туку и вистински светлосен зрак во светот на младите таленти, покажувајќи дека возраста не е пречка за креирање на нешто волшебно и инспиративно.