Тамара Тодевска ја објави новата песна „Нијагара“ со моќен спот – пее на српски, сама го напишала текстот (видео)

„Нијагара е за сите кои во одреден момент се почувствувале ранливо, да знаат дека на крајот има решение. А, тоа е да продолжиме со борбата“, вели Тамара за нејзината нова песна што ја промовира денес, а за која сама го напиша текстот на српски јазик во соработка со Лазар. 

Поп-пејачката Тамара Тодевска денеска на пладне ја промовира својата најнова песна „Нијагара“, која ја испеа на српски.

Музиката и текстот се во соработка помеѓу Лазар Цветковски и Тамара, која првпат се јавува како текстописец.

Песната е во модерен ритам и има моќен видео спот, во режија на Огнен Шапковски.

„Нијагара“ е за сите луѓе кои во одреден момент се почувствувале ранливо, разочарано. „Нијагара“ е за сите кои се направедно етикетирани, да знаат дека на крајот има решение, а тоа е да продолжиме со борбата. Честопати духовно сме заробени, затворени во тој „кафез“, заробени во нашите мисли и сопствени стравови. Таа состојба предизвикува да бидеме деструктивни, гневни, но секогаш можеме да излеземе од тој „лавиринт“. Само треба да одлучиме, силно да сакаме и да направиме чекор напред“, вели Тамара.

Видеото се снимаше неколку денови, во Скопје, а во главната улога е Тамара, во различни изданија кои претставуваат рефлексија на нашата емотивна состојба во различен момент од животот.

„На песната и на спотот работевме подолго време. Не ги форсиравме затоа што сакавме да направиме целосен продукт, како од музички, така и од продукциски аспект. Станува збор за брза, динамична песна, која верувам ќе ѝ се допадне на публиката“, додава Тамара.