Филмски клишеа кои стануваат досадни и дефинитивно не функционираат во реалноста

Скоро сите ликови се ранобудни и пред да заминат на работа имаат време за вежбање, правење обилен појадок, подјадување, средување…

Бидејќи холивудските актери изгледаат како модели, и нивните ликови изгледаат како модели, без разлика што треба да бидат „обични“ луѓе како нас.

Адвокатите се најефикасни во последниот момент. Во скоро сите филмови со судници и адвокати, адвокатите наоѓаат некој доказ или некој сведок кој целосно го менува текот на настаните, и тоа баш пред да се донесе пресудата.

Кога ликовите ќе се повредат, особено ако се жени, секогаш имаат рана која не само што не им влијае лошо врз изгледот, туку прави и да изгледаат подобро и „поопасно“.

Кога главните ликови се во брзање, без проблем ги туркаат сите околу нив, а другите луѓе само го прифаќаат тоа како да е најнормално нешто.

Сите имаат добри соседи кои се секогаш подготвени да помогнат. Ако, пак, станува збор за соседство како во „Очајни домаќинки“, никој не си ја заклучува надворешната врата и сите си влегуваат во туѓите домови без никаков проблем.

Спирова С. | Црнобело