Потценети и помалку познати серии кои го заслужуваат вашето внимание како и многу популарните

Доколку сте од оние на кои им се ежи кожата од популарните серии за кои сите непрестајно зборуваат (како La Casa De Pale, Game Of Thrones, Breaking Bad итн.), и сте во потрага по серии кои ретко кој ги знае, а се одлични, ние ги имаме вистински предлози за вас:

Upload

Нејтан Браун ненадејно умира и има можност неговата свест да се аплоудира во дигитален свет каде што ќе живее практично засекогаш. Но, таму открива дека дел од неговите спомени се избришани. Дали некој се обидел намерно да му го одземе животот?

Dollface

Џулс ја раскинува 5-годишната врска со своето момче Џереми и сфаќа дека нема ниту една пријателка, затоа што сето време го поминувала само со него. Во обидот повторно да се зближи со нив, таа се открива себеси.

The End of the F***ing World

Џејмс и Алиса се 17-годишни аутсајдери кои тргнуваат на заедничко патување со цел да го најдат таткото на Алиса кој го напуштил семејството кога таа била сè уште малечка.

Flowers

Оваа мрачна комедија го следи животот на семејството Flowers. Морис е автор на детски книги, а неговата сопруга Дебора е професор по музичко. Нивната врска е комплицирана, бидејќи секој крие мрачни тајни и се бори со сопствените демони.

Lovesick

Дилан, момче во третата деценија од животот кој е мошне сексуално активен, дознава дека има сексуално пренослива болест. Тој треба да им се јави на сите девојки со коишто спиел за да им ја соопшти веста и да се соочи со нив.

Продолжува на следната страна...