Серии што ќе ги изгледате во еден здив

Доколку сте од оние кои обожаваат серии, веројатно ви е познат терминот „binge watching“.

Наједноставниот превод би бил маратонско гледање на серии. Тоа значи дека седнувате пред мониторот, снабдени со доволно грицки и пијалаци, и ве разденува со омилената серија.

Колку изнесува вашиот рекорд на најмногу изгледани епизоди одеднаш?

Доколку се пронајдовте во описот, време е да издвоите време за сериите кои се гледаат во еден здив – доколку веќе не ги гледате:

Семејна - This Is Us

Број на сезони: 1 завршена со 18 епизоди. Во тек е втората сезона, а ќе има и трета во 2018 година.

Приказната го следи семејството Пирсон. Џек и Ребека очекуваат три близначиња, но едното нема да го преживее породувањето. Тие се решаваат веднаш да посвојат напуштено афроамериканско бебе.

Хумористична – Speechless

Број на сезони: 1 завршена со 23 епизоди, а во тек е втората сезона.

Семејството ДиМео предводено од ексцентричната мајка се справува со животните предизвици на хумористичен начин, особено кога ќе се земе предвид дека најстариот син е дете со специјални потреби.

https://www.youtube.com/watch?v=4u55WK6AbaM

Нетипична љубовна – You’re The Worst

Број на сезони: 3 завршени сезони, а во тек е четвртата сезона.

Гречен и Џими се две дисфункционални индивидуи со уште почудни пријатели. Тие не веруваат во љубов, ниту во чувства, освен во сарказам, цинизам и иронија. Двајцата ќе ја започнат најдеструктивната љубовна врска којашто ја доживеале во животот.

Биографска – American Crime Story

Број на сезони: 1 завршена сезона со вкупно 10 епизоди. Премиерата на втората сезона се очекува за 3 месеци.

Првата сезона од Американската крими-приказна го следи судскиот процес за О’Џеј Симпсон, од моментот на апсењето, целото судење и конечната пресуда.

Втората сезона ќе го разработува убиството на познатиот дизајнер Џани Версаче.

Фантазија - Stranger Things

Број на сезони: 2 целосно завршени сезони, а се очекува и трета сезона.

Популарната серија со примеси на мистерија и хорор со причина ги освои симпатиите на гледачите. Младиот Вил мистериозно исчезнува, а неговите другарчиња се здружуваат со дел од локалното население да ја откријат мистериозната причина поврзана со неговото отсуство.

https://www.youtube.com/watch?v=XWxyRG_tckY

Според стрип – Marvel’s Daredevil

Број на сезони: 2 целосно завршени сезони, а се очекува и трета сезона.

Приказната го следи Мек Мурдок, познатиот адвокат и слепиот супер-херој од Hell’s Kitchen кој се бори против криминалните банди и урбаната мафија.

Предлозите продолжуваат на следна страна...