Состојба до 01.04.2020: Во Македонија 25 новoзаболени, а излечени уште 5 пациенти

Детали

среда, 01 април 2020

Според најновото соопштение на Министерството, во земјава во последното деноноќие има 25 нови случаи, со што бројката на дијагностицирани вкупно изнесува 354.

За жал има уште една почината пациентка, но има и уште 5 оздравени пациенти. Досега вкупно се излечени 17 лица, а 10 лица починаа од вирусот во земјава.

Деталната состојба е следна:

Министерството за здравство информира дека ноќеска на Клиниката за инфективни болести и фебрилни состојби во Скопје почина една пациентка од Лабуништа на возраст од 65 години. Пациентката имала претходни заболувања – коморбидитети: хронично опструктивна белодробна болест, дијабетес, срцева слабост и обезност.

Што се однесува до пациентката која во неделата наутро почина во болница во Струга, а на која постморум и е земен брис, истиот е позитивен на Ковид-19.

Во изминатите 24 часа регистрирани се 25 нови случаи на коронавирус во земјата. 
По градови: Скопје- 7, Куманово-7, Прилеп-2, Тетово-5, Струга-2, Гевгелија -1, Кочани -1.

Со ова вкупната бројка на дијагностицирани пациенти со КОВИД-19 денеска изнесува  354 лице.

Според местото на живеење, досега случаи на КОВИД-19 се регистрирани во:

• Скопје – 183
• Куманово – 54
• Дебар – 47
• Штип – 15
• Прилеп – 12
• Тетово -13
• Струга – 9
• Велес – 6
• Битола – 4
• Охрид – 3
• Кавадарци – 2
•  Гостивар – 1
• Гевгелија – 2
• Струмица- 1
• Крива Паланка – 1
• Кочани – 1

Досега се направени вкупно 3.775 тестирања на Ковид-19.