Реновирани Телеком продавниците во Гостивар и Охрид

Детали

среда, 21 октомври 2015

Двете продавници нудат интерактивен продажен концепт со мултимедијално искуство за корисниците.

Македонски Телеком денеска ја пушти во употреба реновираната продавница во Гостивар, којашто нуди атрактивен, модерен и пред сè пријатен амбиент за корисниците. Со реновирањето, Телеком продавницата во Гостивар доби сосем нов современ дизајн, а при уредувањето на внатрешноста е пренесен локалниот дух преку прикажување на историски моменти, објекти, личности или современи мотиви карактеристични за поднебјето, односно градот.

Освен во Гостивар, Македонски Телеком вчера ја отвори и реновираната продавница во Охрид. Реновираните Телеком продавници во Гостивар и Охрид овозможуваат одличен преглед на понудата и нудат нов продажен концепт со мултимедијално искуство за корисниците, коишто преку интерактивно истражување и забава ќе можат да се запознаат со комуникациските услуги и решенија на компанијата.

Македонски Телеком на денот на отворањето на реновираните продавници во Гостивар и Охрид подготви одлична промотивна понуда, при што секој корисник којшто потпиша нов или го обнови својот претплатнички договор, имаше можност да купи таблет од брендот Самсунг и Тесла со попуст од неверојатни 60 отсто.