Приказна со среќен крај: Гордана, која го крена цело Скопје на нозе, го пронајде своето исчезнато куче Зои

Вчера ми се јави дете, во 13 часот на мобилниот, 3 пати за 10 минути дека ја видел Зои, и дали ќе му дадам пари (потоа пред родителите негираше).

Ми се слоши, колабирав, пред еден пет шоп. Повика Брза помош газдата на пет шопот, шеќерот и притисокот ми беа ниски, па ме однесоа во болница.

Затоа и објавив фотографии и за во полиција, како доказ, дека треба да ја забрзаат постапката, дека 24/7 ми ѕвони мобилниот, ме вознемируваат.

Одлучив адвокат да побарам, преку групите, со докази од телефонски броеви, извештаи лекарски за побрзо да се најде Зои.

Во 18 часот од скриен број на Вибер добив фотографија од кутре, како Зои. Кога ја видов Зои, не ми се веруваше. И веднаш ми испрати локација, мапа каде била 2-3 дена гледана.

Локација во Усје, накај Драчево, зад огромна куќа, па шупа, па тревник со ограда. Бидејќи не знаев сама да се снајдам, сопругот болен, синот на работа, со таксист, отидовме да бараме по мапата, една врата железна отворена, лае кутре, темно, светло нема, и повикав Зоииии и тука се појави милото исплашено, слабо...

Се тресе ладно, смрзнато, во таксито и дома.

Ете така, Господ ги слушна нашите и вашите молитви, сите заедно несебично, со хуманост, пожртвуваност, да успееме да спасиме, невино, мало кутре.

Уште еднаш се извинувам, што веднаш не ви кажав, како се случи Слободата на Зои.

На крајот пак ќе кажам: Бескрајна благодарност на сите добри луѓе, кои 13 дена се вложија, максимално за слободата на Зои, зошто без вас немаше да успееме. Да сте живи, здрави, и секогаш вака да останеме сплотени, хумани и во тага и во радост“.

Зои сега е среќна дома:

С. С. | Црнобело