Дарко Влогс се врати на Инстаграм пофит од кога било – го смени изгледот, прослави 3 години брак со саканата
- Детали
- четврток, 24 октомври 2024
Видно ослабнат и со нова фризура – Дарко Влогс објави нови фотки на Инстаграм и покажа дека иако го немаше подолго време на социјалните мрежи, тој останал посветен на физичките активности и на својата трансформација.
Дарко Јефремов, попознат како Дарко Влогс, подолго време правеше пауза од социјалните мрежи, а вчера (23.10) одлучи да ги изненади своите следбеници и објави фотки со кои ја покажа целосната трансформација на телото, но и имиџот.
Нашиот инфлуенсер, кој живее во САД заедно со сопругата Даниела, вчера го прослави третиот роденден на нивниот миленик Ото, а како што може да се види од објавите на Инстаграм Стори, тие направиле торта и се фотографирале со роденденски капи заедно со него.
Со оглед на тоа што Дарко долго време го немаше на Инстаграм, многумина беа изненадени од огромната трансформација на телото, затоа што се гледа дека нашиот инфлуенсер во изминатиот период напорно работел на својата форма.
„Мавни лајк ако планираш да одиш во теретана зимово, за да се спремаме за летото“ – напиша тој до фотките на кои се гледа дека успеал драстично да ослаби и да постигне поголема дефиниција на мускулите.
Освен тоа, Дарко ја променил и фризурата, па сега носи малку подолга коса во опавче.
Инаку, неговата сопруга Даниела, пред два месеца имаше објавено кратко видео на кое се гледа дека заедно ја прославиле третата годишнина од бракот.
За потсетување, Дарко и Даниела направија свадба на Хаваи во август 2021-ва година, а иако подолг период тој продолжи со снимање видеа и објави на социјалните мрежи, во последната година ненајавено направи пауза и не објавуваше нови содржини.
Прочитајте и Дарко Влогс со солзи во очите за анксиозноста: „Првата сопруга ми беше патолошки лажго - имав тежок период, се гушев“
Б. С. Б. | Црнобело
Би можело да ве интересира:
Препорачуваме
Најчитани неделава
