Антониа Гиговска паднала на сцена, Марко Марк водел емисија со откопчан патент: Кога биле најзасрамени нашите јавни личности?

Детали

недела, 28 април 2024

„За 1-ви април гостував во 'Сител Бамбини' и водителот ме праша во што сум маскирана. Јас бев Жаде, ама во тој момент не можев да се сетам, па во емисија во живо стоев збунета и во себе си велев 'Help'. Имав многу трауми од тоа“, ни кажа Нина Ред, која потоа долги години работеше како ТВ-водителка. 

Сите во животот сме имале ситуации кога сме сакале да „пропаднеме во земја“ од срам. Ништо поинакви не се ни јавните личности.

И нив им се случувале работи поради кои некогаш биле засрамени, но денес се смеат на своја сметка, кога ќе се сетат на таа ситуација.

Направивме видео анкета со пејачките Лара Иванова и Антониа Гиговска, ТВ-водителите Ване Маркоски и Марко Марк, модната креаторка Ива Спасовска, инфлуенсерката Нина Ред и фризерот и шминкер Октај Сејди, кои ни открија поради што знаат да се засрамат и денес, а ни раскажаа и некои ситуации кога не знаеле како да реагираат од срам.

„Бев на фестивал во Русија, ја промашив скалата и паднав пред сите“, ни кажа Антониа Гиговска за еден од моментите кога била најзасрамена.

Лара, Ване и Ива велат дека често им се случува да заборават нечие име, па се чувствуваат непријатно кога ќе го згрешат.

Инфлуенсерката Нина Ред, пак, се сети на ситуација од деството кога гостувала во емисијата „Сител Бамбини“.

„За 1-ви април гостував во емисијата и водителот ме праша во што сум маскирана. Јас бев Жаде, ама во тој момент не можев да се сетам, па во емисија во живо стоев збунета и во себе си велев 'Help'. Имав многу трауми од тоа“, вели Нина, која потоа долги години работеше и како ТВ-водителка. 

Што ни одговорија останатите, погледнете во видеото:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело