Каролина како модна икона во Италија: „Три дена во Венеција и три годишни времиња“
- Детали
- понеделник, 22 април 2024
„Прекрасна си, кралица“, „Воодушевуваш“, „Најубавото од Македонија“, „Не само музичка, туку и модна икона“, се дел од коментарите што ги доби Каролина откако објави фотки од Италија.
Поп-пејачката Каролина Гочева е на патување во Италија со сопругот Михаил Корубин. Патувањето го започнаа од Венеција каде што се одржува познатото Биенале и таму поминаа три дена.
Тие го посетија македонскиот павиљон, од каде што Каролина сподели неколку фотографии и видеа.
Посетија неколку изложби, се дружеа со пријатели, а низ градот го сретнаа и српскиот актер и уметник Урош Ѓуриќ, кој го глумеше ангелот во еден од најпопуларните филмови од 1990-те „Mi nismo anđeli“.
„Некои случајни средби“ напиша пејачката на фотографиите што ги сподели на Инстаграм Стори.
Каролина објави и фотографии и видеа од деновите поминати во прекрасната Венеција, па откри дека во три дена поминале три годишни времиња.
Таа, како и секогаш воодушеви со стилот. Комбинираше тексас кошула со фармерки и палто во истата боја.
Носеше и модерна кошула во риги со тегет панталони и палто на кое ги собрала ракавите нагоре, сето тоа дополнето со мала црвена чантичка.
Дека е шик покажа и со комбинацијата на која носеше кусо сиво-црно палто, спортско капче, интересна чанта и впечатливи балетанки со врвки врзани околу глуждот.
„Прекрасна си, кралица“, „Воодушевуваш“, „Најубавото од Македонија“, „Не само музичка, туку и модна икона“, се дел од коментарите што ги доби таа за изгледот.
На патувањето во Италија, Каролина и Михаил ја посетија и Болоња, најпознатиот студентски град во Италија.
Тие беа и во Фиренца, од каде што Каролина сподели неколку фотки и видеа од галеријата Уфици, една од најпознатите во Италија, каде што се наоѓа сликата „Раѓањето на Венера“ од Сандро Ботичели и делото „Медуза“ од Караваџо.
Повеќе фотографии на следната страница...
Би можело да ве интересира:
Препорачуваме
Најчитани неделава
